ഞാനൊക്കെ സ്‌കൂളില്‍ നിന്നാണ് ഫുട്‌ബോള്‍ കളിക്കാന്‍ തുടങ്ങിയത്. അന്ന് കരുത്തരും സ്‌പോര്‍ട്‌സ്മാന്‍ സ്പിരിട്ടുള്ള കായിക അധ്യാപകരുണ്ടായിരുന്നു. എന്നാല്‍ ഇന്നതില്ല. ഫുട്‌ബോള്‍ ലഹരിയുള്ള ചില പ്രദേശങ്ങള്‍ ജില്ലയിലെ വിവിധ ഭാഗങ്ങളിലുണ്ട്. ഈ പ്രദേശങ്ങളിലെ സ്‌കൂളുകളിലെങ്കിലും കരുത്തരായ കായിക അധ്യാപകരെ നിയമിക്കണം. എന്നാല്‍ മിക്ക സ്‌കൂളുകളിലും ഇതില്ല. ഞാനടക്കമുള്ള നിരവധി താരങ്ങളെ വളര്‍ത്തി വലുതാക്കിയ തൃക്കരിപ്പൂര്‍ ഗവ. വൊക്കേഷ്‌നല്‍ ഹയര്‍സെക്കന്‍ഡറി സ്‌കൂളില്‍ ഇന്ന് ഫുട്‌ബോള്‍ തന്നെ കണ്ടുകിട്ടുന്നില്ലെന്നും റാഫി പറഞ്ഞു.