ഇമാം ബൂസ്വൂരി നഗര്‍: ലോകത്ത് അനുഭവപ്പെടുന്ന പ്രതിസന്ധികള്‍ പരീക്ഷണങ്ങളുടേതാണെന്നും ഇവ അതിജീവിക്കാനുള്ള മാര്‍ഗമാണ് പ്രവാചക പാഠങ്ങളെന്നും പാണക്കാട് സയ്യിദ് സ്വാദിഖലി ശിഹാബ് തങ്ങള്‍.എസ്.വൈ.എസ് മീലാദ് കാംപയിന്‍ സമാപന സമ്മേളനം ഉദ്ഘാടനം ചെയ്യുകയായിരുന്നു തങ്ങള്‍. ദാരിദ്ര്യത്തിലും സമ്പന്നതയിലും ലോക രാഷ്ട്രങ്ങള്‍ പരീക്ഷിക്കപ്പെട്ടിട്ടുണ്ട്. ചിലപ്പോള്‍ ഒറ്റപ്പെടലുകളും ഏകാന്തതയും അനുഭവപ്പെടുന്നു. സായുധ പോരാട്ടങ്ങളോ, പരസ്പരം കൊമ്പുകോര്‍ക്കലിനോ പകരം വിശ്വാസമാണ് പ്രതിരോധത്തിന്റെ ആയുധം. വിശ്വാസം ഊട്ടിയുറപ്പിക്കുകയും കര്‍മങ്ങളില്‍ ആത്മാര്‍ഥത പുലത്തുകയുമാണ് അതിജയിക്കാനുള്ള മാര്‍ഗം. വിശ്വാസത്തിലും അനുഷ്ഠാനങ്ങളിലും ആത്മാര്‍ഥത പുലര്‍ത്തുമ്പോള്‍ ലോകം ആദരിക്കപ്പെടുമെന്നും തങ്ങള്‍ പറഞ്ഞു.