ഹിദായ നഗര്‍ (ചെമ്മാട്): ദാറുല്‍ഹുദാ ബിരുദദാന സമ്മേളനത്തിന്റെ മുന്നോടിയായി സമസ്ത നേതാക്കളുടെയും സ്ഥാപക ശില്‍പികളുടെയും മഖാമുകളിലേക്ക് അധ്യാപകരുടെയും വിദ്യാര്‍ഥികളുടെയും മാനേജ്‌മെന്റ് പ്രതിനിധികളുടെയും നേതൃത്വത്തില്‍ സ്മൃതിപഥ പ്രയാണം നടത്തി.
പാണക്കാട് സയ്യിദ് മുഹമ്മദലി ശിഹാബ് തങ്ങള്‍, ഉമറലി ശിഹാബ് തങ്ങള്‍, എം.എം ബഷീര്‍ മുസ്‌ലിയാര്‍, സി.എച്ച് ഹൈദ്രോസ് മുസ്‌ലിയാര്‍, അബ്ദുല്‍ ബാരി മുസ്‌ലിയാര്‍, പ്രൊഫ അബ്ദുല്‍ ബാരി മുസ്‌ലിയാര്‍ എന്നിവരുടെ മഖാമുകളിലേക്കാണ് പ്രയാണം നടത്തിയത്.
ഒമ്പത് മണിക്ക് പാണക്കാട് സാദാത്ത് മഖ്ബറയില്‍ നടന്ന സിയാറത്തിന് ചാന്‍സലര്‍ സയ്യിദ് ഹൈദരലി ശിഹാബ് തങ്ങള്‍ നേതൃത്വം നല്‍കി. ചേറൂര്‍ എം.എം ബഷീര്‍ മുസ്‌ലിയാര്‍ മഖ്ബറയില്‍ സയ്യിദ് ഹാശിറലി ശിഹാബ് തങ്ങളും സി.എച്ച് ഹൈദ്രോസ് മുസ്‌ലിയാരുടെ മഖ്ബറയില്‍ സയ്യിദ് ശാഹുല്‍ ഹമീദ് ഹുദവി കാവനൂരും അബ്ദുല്‍ ബാരി മുസ്‌ലിയാരുടെ മഖ്ബറയില്‍ സ്ഥലം മുദരിസ്സ് സാലിം ബാഖവിയും നേതൃത്വം നല്‍കി.