ഇസ്‌ലാമാബാദ്: മുംബൈ ആക്രമണത്തിന്റെ ആസൂത്രകന്‍ ഹാഫിസ് സഈദിന്റെ പാര്‍ട്ടിക്ക് രജിസ്‌ട്രേഷന്‍ നല്‍കരുതെന്ന് പാക് സര്‍ക്കാര്‍ കോടതിയില്‍.
ഹാഫിസ് സഈദിന്റെ മില്ലി മുസ്‌ലിം ലീഗ് എന്ന രാഷ്ട്രീയ പാര്‍ട്ടിക്ക് അംഗീകാരം നല്‍കുന്നതിലൂടെ അക്രമങ്ങളും ഭീകരവാദവും പൊട്ടിപ്പുറപ്പെടാന്‍ സാധ്യതയുണ്ടെന്ന് പാക് സര്‍ക്കാര്‍ ഇസ്‌ലാമാബാദ് ഹൈക്കോടതിയില്‍ പറഞ്ഞു.
മില്ലി മുസ്‌ലിം ലീഗിന്റെ രാജിസ്‌ട്രേഷന്‍ രാജ്യത്ത് ഭീകരവാദം വളര്‍ത്താന്‍ കാരണമാവുമെന്ന സുരക്ഷാ സമിതിയുടെ റിപ്പോര്‍ട്ടിനെ തുടര്‍ന്നാണ് പാക് സര്‍ക്കാര്‍ കോടതിയെ സമീപിച്ചത്.
സഈദിന്റെ സംഘടനയായ ജമാഅത്തു ദഅ്‌വ അടുത്ത വര്‍ഷം നടക്കുന്ന പെതുതെരഞ്ഞെടുപ്പില്‍ മില്ലി മുസ്‌ലിം ലീഗിന്റെ കീഴില്‍ മത്സരിക്കുമെന്ന് മാസങ്ങള്‍ക്ക് മുന്‍പാണ് പ്രഖ്യാപനമുണ്ടായത്.
രാഷ്ട്രീയ പാര്‍ട്ടിയായി അംഗീകരിക്കണമെന്ന മില്ലി മുസ്‌ലിം ലീഗിന്റെ അപേക്ഷ പാക് തെരഞ്ഞെടുപ്പ് കമ്മിഷന്‍ ഒക്ടോബര്‍ 11ന് തള്ളിയിരുന്നു.