ദുബൈ:പ്രവാസി ഭാരതി (കേരളം) കര്‍മ്മശ്രീ പുരസ്‌കാരം നേടിയ ദുബൈ ആസ്ഥാനമായി പ്രവര്‍ത്തിക്കുന്ന കെ.പി ഗ്രൂപ്പ് മാനേജിങ് ഡയറക്ടറും സുപ്രഭാതം യു.എ.ഇ ഗവേണിംങ് ബോഡി അംഗവുമായ കെ.പി മുഹമ്മദ് പേരോടിനെ സുപ്രഭാതം സി.ഇ.എ മുസ്തഫ മുണ്ടുപാറ, ഗള്‍ഫ് സുപ്രഭാതം ജനറല്‍ കണ്‍വീനര്‍ ജലീല്‍ ഹാജി ഒറ്റപ്പാലം എന്നിവര്‍ ചേര്‍ന്ന് ഷാള്‍ അണിയിച്ച് ആദരിക്കുന്നു. എസ്.കെ.എസ്.എസ്.എഫ് യു.എ.ഇ കമ്മിറ്റി പ്രസിഡണ്ട് ശുഐബ് തങ്ങള്‍ സമീപം.

യുവ വ്യവസായിയെന്ന നിലയിലെ മികച്ച പ്രവര്‍ത്തനവും സാമൂഹിക സാംസ്‌കാരിക മേഖലയിലെ സംഭാവനകളും പരിഗണിച്ചാണ് അവാര്‍ഡ്. നിരവധി അംഗീകാരങ്ങള്‍ ഇതിനോടകം ലഭിച്ചിട്ടുള്ള കെപി മുഹമ്മദ്, ദുബൈ കെഎംസിസി കോഴിക്കോട് ജില്ലാ ജനറല്‍ സെക്രട്ടറി, സിഎച്ച് സെന്റര്‍ ദുബൈ ചാപ്റ്റര്‍ ജനറല്‍ സെക്രട്ടറി, ഡബ്ല്യു.എം.ഒ മുട്ടില്‍ യതീംഖാന ദുബൈ ചാപ്റ്റര്‍ പ്രസിഡന്റ്, ഷാര്‍ജ ഇന്ത്യന്‍ അസോസിയേഷന്‍ അംഗം,പേരോട് പ്രവാസി കൂട്ടായ്മ (പെക്‌സ്) ജനറല്‍ സെക്രട്ടറി എന്നീ പദവികളും വഹിക്കുന്നുണ്ട്.