"Aman" Help Desk Launches to Prevent Financial Fraud in Kuwait

കുവൈത്ത് സിറ്റി: സാമ്പത്തിക തട്ടിപ്പുകളും കള്ളപ്പണം വെളുപ്പിക്കലും കൈകാര്യം ചെയ്യുന്നതിനായി, ക്രിമിനൽ സെക്യൂരിറ്റി, പബ്ലിക് പ്രോസിക്യൂഷനുമായും കുവൈത്ത് ബാങ്കിംഗ് അസോസിയേഷനുമായും സഹകരിച്ച് "അമാൻ" എന്ന പേരിൽ ഓൺലൈൻ ഹെൽപ്പ് ഡെസ്ക് ആരംഭിച്ചു. എല്ലാ പ്രാദേശിക ബാങ്കുകളിൽ നിന്നും മുഴുവൻ സമയവും 24/7 റിപ്പോർട്ടുകൾ സ്വീകരിക്കുന്നതോടെ, സാമ്പത്തിക തട്ടിപ്പ് കേസുകൾ റിപ്പോർട്ട് ചെയ്യാൻ ഇത് സൗകര്യമൊരുക്കുന്നു.

ആഭ്യന്തര മന്ത്രാലയത്തിന് കീഴിലുള്ള ജനറൽ ഡിപ്പാർട്ട്‌മെന്റ് ഓഫ് ക്രിമിനൽ ഇൻവെസ്റ്റിഗേഷൻ, സാമ്പത്തിക തട്ടിപ്പ് കേസുകൾ കൈകാര്യം ചെയ്യുന്നതിനുള്ള കേന്ദ്രമായി "അമാൻ" ഹെൽപ്പ് ഡെസ്‌ക് മേൽനോട്ടം വഹിക്കുന്നു. ഈ പ്ലാറ്റ്‌ഫോം വഴി സമർപ്പിച്ച റിപ്പോർട്ടുകൾ പ്രാദേശിക ബാങ്കുകളുടെ ധനകാര്യ വകുപ്പുകളിൽ നിന്ന് വേഗത്തിലുള്ള പ്രതികരണങ്ങൾ ട്രിഗർ ചെയ്യുകയും ഇത് ഇരകളുടെ അക്കൗണ്ടുമായി ബന്ധപ്പെട്ട ഫണ്ടുകൾ പെട്ടെന്ന് മരവിപ്പിക്കുന്നതിലേക്ക് നയിക്കുകയും ചെയ്യും.

7/12/2023 മുതൽ 9/1/2024 വരെയുള്ള കാലയളവിൽ, 285 റിപ്പോർട്ടുകൾ ലഭിച്ചു. ഇത് മൂലം (495,973,933) KD ഫണ്ടുകൾ മരവിപ്പിക്കാൻ ഉടനടി നടപടികൾ നടപ്പിലാക്കാനും തുടർന്നുള്ള വീണ്ടെടുക്കൽ ശ്രമങ്ങൾക്ക് കളമൊരുക്കുകയും ചെയ്തു. അനധികൃത ഇടപാടുകൾ കണ്ടെത്തിയാൽ വ്യക്തികൾ അവരുടെ ബാങ്കുകളെ ഉടനെ അറിയിക്കണമെന്നും നിയമപാലകരും ബാങ്കിംഗ് മേഖലയും പൊതുജനങ്ങളും തമ്മിലുള്ള സഹകരണം സാമ്പത്തിക തട്ടിപ്പുകളെ ചെറുക്കുമെന്നും ആഭ്യന്തര മന്ത്രാലയം ഊന്നിപ്പറയുന്നു.