ദുബൈ: ദുബൈയിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറീനേഴ്സ് അഫയേഴ്സിന്റെ (ജി.ഡി.ആർ.എഫ്.എ.ഡി) കീഴിലുള്ള ഹത്ത അതിർത്തി യാത്രക്കാരുടെ എണ്ണത്തിൽ ചരിത്ര നേട്ടം കൈവരിച്ചു. 2023ൽ ചരിത്രത്തിലാദ്യമായി 4 മില്യണിലധികം പേർ അതിർത്തിയിലൂടെ രാജ്യത്തേക്ക് വരികയും പോവുകയും ചെയ്തുവെന്ന് അധികൃതർ അറിയിച്ചു. വലിയ വാഹനങ്ങളുടെയും വാണിജ്യ ടാങ്കറുകളുടെയും ഗതാഗതത്തിൽ ഗണ്യമായ വർധനക്കാണ് അതിർത്തി കഴിഞ്ഞ വർഷം സാക്ഷ്യം വഹിച്ചത്.
ഇത് കര ഗതാഗതത്തിന്റെ കാര്യക്ഷമത വർധിപ്പിക്കുകയും യുഎഇയും ഒമാനും തമ്മിലുള്ള സുഗമമായ വ്യാപാരം സാധ്യമാക്കുകയും ചെയ്തു. ലാൻഡ് പോർട്ട് പാസ്‌പോർട്ട് കൺട്രോൾ ഡിപാർട്ട്‌മെന്റ് അതിന്റെ വികസന പദ്ധതികളും പരിപാടികളും നടപ്പിലാക്കുന്നത് തുടരുമെന്ന് സീ പോർട്ട് അഫയേഴ്‌സ് അസിസ്റ്റന്റ് ഡയറക്ടർ ജനറൽ ബ്രിഗേഡിയർ ഡോ. ഉമർ അലി അൽ ഷംസി പറഞ്ഞു.

വിശ്വാസത്തിലും പരസ്പര പ്രയോജനത്തിലും തുടർച്ചയായ സഹകരണത്തിലും വേരൂന്നിയ ഫലപ്രദമായ പങ്കാളിത്തം രൂപീകരിക്കുന്നതിനും എല്ലാ പങ്കാളികൾക്കിടയിലും പരസ്പരാശ്രിതത്വവും സംയോജനവും വളർത്തുന്നതിനും ഡിപ്പാർട്ട്‌മെന്റ് പ്പോഴും പ്രതിജ്ഞാബദ്ധമാണെന്ന് ലാൻഡ് പോർട്ട് പാസ്‌പോർട്ട് കൺട്രോൾ ഡിപ്പാർട്ട്‌മെന്റ് ഡയറക്ടർ കേണൽ ഡോ. റാഷിദ് ഉബൈദ് അൽ കിത്ബി വ്യക്തമാക്കി.
ഹത്ത ചെക്ക് പോയിന്റിൽ 4 ദശലക്ഷം യാത്രക്കാർ എന്ന റെക്കോർഡ് മുൻവർഷങ്ങളിലെ സ്ഥിതിവിവരക്കണക്കുകൾ മറികടന്ന് ചരിത്രത്തിലെ സമാനതകളില്ലാത്ത നേട്ടത്തെ പ്രതിനിധീകരിക്കുന്നതാണ്. യുഎഇ ഗവൺമെന്റിന്റെ, യും പ്രത്യേകിച്ച് ദുബൈ എമിറേറ്റിന്റെയും വിശാലമായ ലക്ഷ്യങ്ങളുമായി ഒത്തുചേർന്ന് ഭരണപരവും പ്രത്യേക രീതിയിലുള്ളതുമായ യോജിച്ച ശ്രമങ്ങളുടെ ഫലമാണ് ഈ നാഴികക്കല്ല്.
അതിർത്തി വഴി കടന്നു പോകുന്ന യാത്രക്കാർക്ക് രേഖകൾ പ്രോസസ്സ് ചെയ്യുന്നതിൽ ഏറ്റവും ഉയർന്ന നിലവാരം പുലർത്താൻ ചെക്ക് പോയിന്റിലെ മാനേജ്മെന്റ് മികച്ച ശ്രമങ്ങളാണ് നടത്തുന്നതെന്ന് കേണൽ. അൽകിത്ബി അറിയിച്ചു. ഇതിൽ വാണിജ്യ ട്രക്ക് ഡ്രൈവർമാർ, ലൈറ്റ് വെഹിക്കിൾ യാത്രക്കാർ, മറ്റ് വാഹനങ്ങൾ എന്നിവ ഉൾപ്പെടുന്നു. പ്രായമായവർ, നിശ്ചയ ദാർഢ്യക്കാർ, സ്വകാര്യത ആവശ്യമുള്ള കുടുംബങ്ങൾ എന്നിങ്ങനെയുള്ള യാത്രക്കാരുടെ വിവിധ ആവശ്യങ്ങൾ നിറവേറ്റുന്നതിന് അനുയോജ്യമായ സേവനങ്ങൾ നൽകാൻ തങ്ങൾ പ്രതിജ്ഞാബദ്ധമാണ്. വിനോദ സഞ്ചാരികൾക്കും ഹജ്ജ്, ഉംറ തീർഥാടനത്തിനെത്തുന്നവർക്കും ഉൾപ്പെടെയുള്ള വിവിധ ഗ്രൂപ്പുകൾക്കും തുറമുഖം സേവനം നൽകി എല്ലാവർക്കും സുഗമവും ഉൾക്കൊള്ളുന്നതുമായ അനുഭവം ഉറപ്പാക്കുന്നുവെന്നും അദ്ദേഹം വിശദീകരിച്ചു.