'ഇന്ന് രാജ്യത്തെ ഏറ്റവും വലിയ വില്‍പന ചരക്ക് ശ്രീരാമന്റെ പേര്; ജയ് ശ്രീറാം വിളിച്ചില്ലെങ്കില്‍ കുത്തിക്കൊല്ലുന്ന നാടാണിത്' -ടി പത്മനാഭന്‍

കണ്ണൂര്‍: ഇന്ന് രാജ്യത്തെ ഏറ്റവും വലിയ വില്‍പന ചരക്ക് ശ്രീരാമന്റെ പേരാണെന്ന് എഴുത്തുകാരന്‍ ടി.പത്മനാഭന്‍.. 'ശ്രീരാമന്റെ പേര് പറഞ്ഞില്ലെങ്കില്‍,പരസ്പരം കാണുമ്പോള്‍ ജയ് ശ്രീറാം എന്ന് വിളിച്ചില്ലെങ്കില്‍ കുത്തിക്കൊല്ലുന്ന നാടാണിത്.അങ്ങനെ സംഭവിച്ചിട്ടുമുണ്ട്. ഇനി അത് വര്‍ധിക്കാനാണ് സാധ്യത' അദ്ദേഹം പറഞ്ഞു.

'പാര്‍ലമെന്റ് തെരഞ്ഞെടുപ്പില്‍ ഏറ്റവും വലിയ തുറുപ്പു ചീട്ട് ശ്രീരാമന്റെ പേരും അയോധ്യയിലെ ക്ഷേത്രവുമായിരിക്കും.അതില്‍ യാതൊരു സംശയമില്ല.ഈ തുറപ്പ് ചീട്ടും വെച്ചുകൊണ്ടായിരിക്കും അവരുടെ കളി…' ടി.പത്മനാഭന്‍ പറഞ്ഞു.

രാമക്ഷേത്ര പ്രതിഷ്ഠയില്‍ പങ്കെടുക്കാന്‍ കേരളത്തില്‍ നിന്ന് പോയ ഒരു പ്രമുഖ പി.ടി. ഉഷയാണ്. ഉഷ ഏതൊക്കെ ശ്രീരാമനെ കുറിച്ചാണ് വായിച്ചിട്ടുള്ളതെന്ന് അറിയില്ലെന്നും ടി. പത്മനാഭന്‍ കൂട്ടിച്ചേര്‍ത്തു.