ശുചിത്വ മിഷനില്‍ ജോലി നേടാം; തപാല്‍ വഴി അപേക്ഷിക്കാം

തൃശ്ശൂര്‍ ശുചിത്വ മിഷന്‍ സ്‌കീമുകള്‍ കാര്യക്ഷമമായി തദ്ദേശ സ്വയംഭരണ സ്ഥാപനത്തില്‍ നടപ്പാക്കുന്നതിന് വെള്ളാങ്കല്ലൂര്‍, മാള, ചാവക്കാട്, ചാലക്കുടി, കൊടകര എന്നീ ബ്ലോക്ക് പഞ്ചായത്തുകളിലേക്ക് തൃശ്ശൂര്‍ ജില്ലാ ശുചിത്വ മിഷന്‍ റിസോഴ്‌സ് പേഴ്‌സണ്‍മാരെ നിയമിക്കുന്നു.

ബി.എസ്.സി എന്‍വയോണ്‍മെന്റ് സയന്‍സ്, കെമിസ്ട്രി, ബോട്ടണി, സുവോളജി, ബി-ടെക് എന്നീ യോഗ്യതയുള്ളവര്‍ക്ക് അപേക്ഷിക്കാം.

മതിയായ കമ്പ്യൂട്ടര്‍ പരിജ്ഞാനം അഭികാമ്യം.

ജില്ലയില്‍ ബന്ധപ്പെട്ട ബ്ലോക്ക് പരിധിയിലുള്ളവര്‍ക്കും സാമൂഹിക പ്രതിബന്ധതയുള്ളവരുമായ ഉദ്യോഗാര്‍ഥികള്‍ക്ക് മുന്‍ഗണന ലഭിക്കും.

താല്‍പര്യമുള്ളവര്‍ ജനുവരി 31 ന് വൈകീട്ട് മൂന്ന് മണിക്ക് മുമ്പായി വെള്ള പേപ്പറില്‍ തയ്യാറാക്കിയ അപേക്ഷയും വിശദമായ ബയോഡാറ്റയും യോഗ്യത. ഈ മേഖലയിലെ മുന്‍പരിചയം തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പ് എന്നിവ സഹിതം തപാല്‍ മാര്‍ഗമോ ഇ-മെയില്‍ വിലാസത്തിലോ അപേക്ഷിക്കാം.

വിലാസം: ജില്ലാ കോ- ഓര്‍ഡിനേറ്റര്‍, ജില്ലാ ശുചിത്വ മിഷന്‍, തൃശ്ശൂര്‍, ജില്ലാ പഞ്ചായത്ത് ബില്‍ഡിങ്, തൃശ്ശൂര്‍- 680003.

ഫോണ്‍ നമ്പര്‍: 0487- 236 0154