ഷാർജയിലെ ട്രാഫിക് കുരുക്കഴിയുന്നു; പിന്നിൽ ആർട്ടിഫിഷ്യൽ ഇന്റലിജൻസ്

ഷാ​ർ​ജ: ഷാർജയിലെ വിവിധ ഇടങ്ങളിലെ ട്രാഫിക് കുരുക്കഴിക്കാൻ ട്രാ​ഫി​ക്​ സി​ഗ്​​ന​ലു​ക​ൾ നി​ർ​മി​ത​ബു​ദ്ധി സാ​​ങ്കേ​തി​ക​വി​ദ്യ (ആർട്ടിഫിഷ്യൽ ഇന്റലിജൻസ് –എ.ഐ) ഉ​ൾ​പ്പെ​ടു​ത്തി ന​വീ​ക​രി​ച്ച്​ ഷാ​ർ​ജ റോ​ഡ്​​സ്​ ആ​ൻ​ഡ്​ ട്രാ​ൻ​സ്​​പോ​ർ​ട്ട് അ​തോ​റി​റ്റി (എ​സ്.​ആ​ർ.​ടി.​എ). എ.ഐ സംവിധാനം ഉപയോഗിച്ച് 48 ട്രാഫിക് സിഗ്നലുകളാണ് മെച്ചപ്പെടുത്തിയത്. ഇതുവഴി നഗരത്തിലെ ട്രാഫിക് ഒഴുക്ക് 30 ശതമാനം വരെ വർധിപ്പിക്കുമെന്ന് എ​സ്.​ആ​ർ.​ടി.​എ അറിയിച്ചു.

റോ​ഡു​ക​ളി​ൽ ഗ​താ​ഗ​ത​ക്കു​രു​ക്ക്​ വ​ലി​യ അ​ള​വി​ൽ കു​റ​ക്കാ​ൻ ഉ​പ​ക​രി​ക്കു​ന്ന​താ​ണ്​ പ​രി​ഷ്ക​ര​ണം. വാ​ഹ​ന​ങ്ങ​ളു​ടെ ഒ​ഴു​ക്ക്​ 30 ശ​ത​മാ​നം വേ​ഗ​ത്തി​ലാ​ക്കാ​ൻ പ​ദ്ധ​തി ഉ​പ​ക​രി​ക്കു​മെ​ന്നാ​ണ്​ അ​ധി​കൃ​ത​ർ ക​ണ​ക്കു​കൂ​ട്ടു​ന്ന​ത്. സെൻസറുകളും ക്യാമറകളും തത്സമയ ട്രാഫിക് വിശകലനം ചെയ്ത് സിഗ്നൽ സമയം ക്രമീകരിക്കുമെന്ന് എ​സ്.​ആ​ർ.​ടി.​എ ചെയർമാൻ യൂസിഫ് അലത്ത്മനി പറഞ്ഞു.

ട്രാഫിക് വോളിയവും ട്രെൻഡുകളും അടിസ്ഥാനമാക്കി ലൈറ്റുകൾ പച്ചയോ ചുവപ്പോ ആയി തുടരും. അതിനനുസൃതമായി സിസ്റ്റം അപ്‌ഡേറ്റ് ചെയ്യുന്നതിനൊപ്പം എ ഐയുടെ പഠന പ്രക്രിയ തുടർച്ചയായി നടക്കും. ഓ​രോ സ​മ​യ​ത്തും ക​ട​ന്നു​പോ​കു​ന്ന വാ​ഹ​ന​ങ്ങ​ൾ നി​രീ​ക്ഷി​ക്കാ​നും വി​ല​യി​രു​ത്താ​നും സെ​ൻ​സ​റു​ക​ളും ക്യാമറയും സഹായിക്കും. ഇ​തു​വ​ഴി സി​ഗ്​​ന​ലി​ൻറെ സ​മ​യം ക്ര​മീ​ക​രി​ക്കാ​ൻ സാ​ധി​ക്കും.

ഷാ​ർ​ജ-​ദു​ബൈ ഗ​താ​ഗ​തം സു​ഗ​മ​മാ​ക്കു​ന്ന​തി​ന് 2023ൽ ​എ​സ്.​ആ​ർ.​ടി.​എ ഇ​ത്തി​ഹാ​ദ് റോ​ഡി​ലും അ​ൽ താ​വൂ​ൻ ഏ​രി​യ​യി​ലും ര​ണ്ട് പ​ദ്ധ​തി​ക​ൾ ന​ട​പ്പാ​ക്കി​യി​രു​ന്നു. എ​മി​റേ​റ്റി​ലു​ട​നീ​ളം ഇ​ല​ക്ട്രി​ക് വെ​ഹി​ക്കി​ൾ (ഇ.​വി) ചാ​ർ​ജി​ങ്​ സൗ​ക​ര്യം വ​ർ​ധി​പ്പി​ക്കു​ന്ന​തി​ന് ‘ബീ​അ’​മാ​യി ചേ​ർ​ന്ന് പ്ര​വ​ർ​ത്തി​ക്കു​ന്നു​ണ്ടെ​ന്ന് അ​തോ​റി​റ്റി ക​ഴി​ഞ്ഞ​യാ​ഴ്ച വെ​ളി​പ്പെ​ടു​ത്തി​യി​രു​ന്നു.