മക്ക:മക്കയിലെ കഅബയോട് ചേർന്ന മതാഫിൽ ബേബി ട്രോളി പ്രവേശിപ്പിക്കുന്നതിന് വിലക്കേർപ്പെടുത്തി അധികൃതർ. ഹറം പരിചരണ വകുപ്പ് ആണ് ഇതുമായി ബന്ധപ്പെട്ട വിലക്കേർപ്പെടുത്തിയത്. മതാഫ് കോംപ്ലക്‌സിന്റെ മുകൾ നിലകളിൽ മാത്രമേ ബേബി ട്രോളി പ്രവേശിപ്പിക്കാൻ പാടുള്ളു. മസ്അയിലും ബേബി ട്രോളി പ്രവേശിപ്പിക്കാൻ അനുമതി നൽകിയിട്ടുണ്ട്.

എന്നാൽ തിരക്കുളള സമയങ്ങളിൽ മസാ ഏരിയയിലും മതാഫിന്റെ മുകൾനിലയിലും ബേബി ട്രോളികൾ നിരോധിക്കുമെന്നും അധികൃതർ അറിയിച്ചു. കിങ് ഫഹദ് ​ഗേറ്റ് വഴിയാണ് ബേബി ട്രോളികൾ ഹറമിൽ പ്രവേശിപ്പിക്കേണ്ടത്.

കഴിഞ്ഞ വർഷം 13.5 മില്യൺ തീർത്ഥാടകർ ഉംറ നിർവ്വഹിക്കാനായി എത്തിയതായി സഊദി ഹജ്ജ്-ഉംറ മന്ത്രാലയം അറിയിച്ചിരുന്നു. തീർത്ഥാടകർക്കായി വലിയ സൗകര്യങ്ങളാണ് സഊദി ഒരുക്കിയിരിക്കുന്നത്. ഉംറ വിസ കാലാവധി 90 ദിവസമാക്കിയിട്ടുണ്ട്. വിദേശത്തുള്ള സുഹൃത്തുക്കളെ രാജ്യം സന്ദർശിക്കാനും ഉംറ തീർ‍ത്ഥാടനത്തിന് ക്ഷണിക്കുന്നതിനും അപേക്ഷിക്കാൻ സഊദി അറേബ്യ പൗരന്മാർക്ക് അനുമതി നൽകിയിട്ടുണ്ട്. വനികൾക്ക് തീർത്ഥാടനത്തിനായി കൂടെ ഇനി പുരുഷന്മാർ ഉണ്ടായിരിക്കണമെന്ന വ്യവസ്ഥയും റദ്ദാക്കിയിട്ടുണ്ട്.

Content Highlights:Baby trolleys are banned in Makkah Mataf