നോക്കിയ അവസാനിച്ചെന്ന വാര്‍ത്ത നിഷേധിച്ച് കമ്പനി

ടെക് ലോകത്ത് വന്‍ ചര്‍ച്ചയായിരുന്ന നോക്കിയ എവിടേയും പോയിട്ടില്ലെന്ന് കമ്പനി. നോക്കിയ ബ്രാന്‍ഡില്‍ ഫോണുകള്‍ ഇറങ്ങില്ലെന്ന സോഷ്യല്‍മീഡിയയില്‍ അഭ്യൂഹങ്ങള്‍ പ്രചരിച്ചതിന് പിന്നാലെയാണ് വിശദീകരണവുമായി എച്ച്എംഡി കമ്പനി രംഗത്തെത്തിയത്.

വില കുറവും ഒത്തിരി ഫീച്ചറുകളുമായി ഇനിയും നോക്കിയ ഫോണുകള്‍ തുടര്‍ന്നും വിപണിയില്‍ എത്തുമെന്നും എച്ച്.എം.ഡി വ്യക്തമാക്കി. ഈ വര്‍ഷം അവസാനമോ മധ്യത്തിലോ പുതിയ ഫോണുകള്‍ വിപണിയില്‍ എത്തുമെന്നാണ് റിപ്പോര്‍ട്ടുകള്‍.കഴിഞ്ഞ എട്ട് വര്‍ഷമായി നോക്കിയ ബ്രാന്‍ഡുകള്‍ നിര്‍മിക്കുന്നത് എച്ച്എംഡി ഗ്ലോബലാണ്.

അതേസമയം ബ്രാന്‍ഡിന്റെ ലൈസന്‍സ് ഉടമ എന്ന നിലയില്‍ നിന്ന് പുറത്തേക്ക് സഞ്ചരിക്കാനൊരുങ്ങുകയാണ് എച്ച്എംഡി ഗ്ലോബല്‍. അതിന്റെ ഭാഗമായി എച്ച്എംഡി സ്വന്തം ബ്രാന്‍ഡിന്റെ പേരില്‍ തന്നെ ഫോണുകള്‍ അവതരിപ്പിക്കാനും കമ്പനി ഉദ്ദേശിക്കുന്നുണ്ട്.