പെന്‍ഷന്‍ മുടങ്ങിയിട്ട് അഞ്ചുമാസം; നടുറോഡിലിരുന്ന് പ്രതിഷേധിച്ച് 90വയസുകാരി

ഇടുക്കി: അഞ്ചുമാസമായി പെന്‍ഷന്‍ മുടങ്ങിയ സംഭവത്തില്‍ റോഡിലിരുന്ന് പ്രതിഷേധിച്ച് 90കാരി. ഇടുക്കി വണ്ടിപ്പെരിയാര്‍ കറുപ്പ് പാലത്താണ് സംഭവം. കറുപ്പ് പാലം സ്വദേശിനി പൊന്നമ്മയാണ് പ്രതിഷേധിച്ചത്.

ഇന്നലെ വൈകിട്ട് ഏഴോടെയാണ് ഒരു മണിക്കൂറോളം നീണ്ട പ്രതിഷേധം ഉണ്ടായത്. റോഡിലിരുന്ന് പ്രതിഷേധിക്കുന്നത് അറിഞ്ഞ വണ്ടിപെരിയാര്‍ പൊലീസ് പൊന്നമ്മയെ അനുനയിപ്പിച്ച് തിരിച്ചയച്ചു.

മകന്‍ മായനോടൊപ്പമാണ് പൊന്നമ്മ താമസിക്കുന്നത്. അഞ്ചു മാസമായി പെന്‍ഷന്‍ കിട്ടുന്നില്ലെന്ന് പൊന്നമ്മയുടെ മകന്‍ മായന്‍ പറഞ്ഞു. കിടപ്പു രോഗിയായിട്ടും വീട്ടില്‍ വന്ന് മസ്റ്ററിങ് നടപടിയും നടത്തിയിട്ടില്ലെന്ന് മകന്‍ പറയുന്നു.