വിദ്യാര്‍ഥി കുഴഞ്ഞുവീണ് മരിച്ചു

കോട്ടയം: കാഞ്ഞിരപ്പള്ളി ആനക്കല്ല് സെന്റ് ആന്റണീസ് ദേവാലയത്തില്‍ കുര്‍ബാനക്കിടയില്‍ വിദ്യാര്‍ത്ഥി കുഴഞ്ഞ് വീണ് മരിച്ചു. കാഞ്ഞിരപ്പള്ളി ആനക്കല്ല് സ്വദേശി നെല്ലാകുന്നില്‍ മിലന്‍ (17) ആണ് മരിച്ചത്. ഇടവകയിലെ അള്‍ത്താര ബാലകനായിരുന്നു.

കാഞ്ഞിരപ്പള്ളി സെന്റ് ആന്റണീസ് പബ്ലിക്ക് സ്‌കൂളിലെ പ്ലസ് വണ്‍ വിദ്യാര്‍ഥിയാണ്. കുര്‍ബാനക്കിടെ കുഴഞ്ഞ് വീഴുകയായിരുന്നു. ഉടന്‍ അടുത്തുളള സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.