ദുബൈ: വിവിധ ബിസിനസ് സംരംഭങ്ങള്‍ക്ക് നേതൃത്വം നല്‍കുന്ന മാര്‍സ് ഹോള്‍ഡിംഗ്‌സിന്റെ ലോഗോ പ്രകാശനം ദുബൈ ലാവന്‍ഡര്‍ ഹോട്ടലില്‍ നടന്നു. മാര്‍സ് ഹോള്‍ഡിംഗ്‌സ് എക്‌സിക്യൂട്ടീവ് ഡയറക്ടര്‍മാരായ മുസ്തഫ മാര്‍സ്, മുഹമ്മദ് റാഫി എന്നിവരുടെ സാന്നിധ്യത്തില്‍ ഇന്റര്‍നാഷണല്‍ പ്രമോട്ടേഴ്‌സ് അസോസിയേഷന്‍ (ഐപിഎ) ഫൗണ്ടര്‍ എ.കെ ഫൈസലും ചെയര്‍മാന്‍ സൈനുദ്ദീന്‍ ഹോട്ട്പാക്കും ചേര്‍ന്നാണ് ലോഗോ പ്രകാശനം നിര്‍വഹിച്ചത്.
ഷാഫി അല്‍ മുര്‍ഷിദി, ത്വല്‍ഹത് ഫോറം ഗ്രൂപ്, ചാക്കോ ഊളക്കാടന്‍, മുനീര്‍ അല്‍വഫ, ബഷീര്‍ ബല്ലോ, ഷാഫി നെച്ചിക്കാട്ടില്‍, നിജില്‍ ഇബ്രാഹിം ബ്‌ളൂ ഡോട്ട്, എഞ്ചി.യാസിര്‍, ഷിറാസ്, ഫൈസല്‍ ഇബ്രാഹിം ബ്രെയിന്‍ സിറ്റി, സിഎ അനില്‍, ഈപ്പന്‍ ചടങ്ങില്‍ സംബന്ധിച്ചു.
ടെക്‌പ്രോ സൊല്യൂഷന്‍സ്, അല്‍ബിസ് ബിസിനസ് സര്‍വീസ്, കമ്പ്യൂട്ടര്‍ നിച്, ടെക്‌സ്‌റ്റൈല്‍ ഡിസ്ട്രിബ്യൂഷന്‍, ബി2ബി ഇന്റര്‍നാഷണല്‍ സര്‍വീസസ്, ടെക്‌പ്രോ എഞ്ചിനീയറിംഗ്, മാര്‍സ് ബില്‍ഡേഴ്‌സ് & പ്രോപര്‍ടീസ് തുടങ്ങിയ സ്ഥാപനങ്ങള്‍ ഇനി മുതല്‍ മാര്‍സ് ഹോള്‍ഡിംഗ്‌സിന് കീഴിലാണ് പ്രവര്‍ത്തിക്കുക. രണ്ടു പതിറ്റാണ്ടിലധികമായി സെക്യൂരിറ്റി സിസ്റ്റം ആന്‍ഡ് ബില്‍ഡിംഗ് ഓട്ടോമേഷന്‍ മേഖലയില്‍ രാജ്യത്തെ ശ്രദ്ധേയ കമ്പനിയാണ് ഇവരുടേത്. ഈ രംഗത്ത് ദുബൈ ഗവണ്‍മെന്റിന്റെ അംഗീകൃത സെക്യൂരിറ്റി സിസ്റ്റം കമ്പനി കൂടിയാണിത്.
വിവിധ ബിസിനസ് മേഖലകളെ മികച്ച രീതിയില്‍ ഏകോപിപ്പിക്കാനും ഉപയോക്താക്കള്‍ക്കും നിക്ഷേപകര്‍ക്കും സംതൃപ്തി നിറഞ്ഞ സേവനങ്ങള്‍ നല്‍കാനുമായാണ് മാര്‍സ് ഹോള്‍ഡിംഗ്‌സ് രൂപീകരിച്ചതെന്ന് എക്‌സിക്യൂട്ടീവ് ഡയറക്ടര്‍മാരായ മുസ്തഫ മാര്‍സ്, മുഹമ്മദ് റാഫി എന്നിവര്‍ പറഞ്ഞു. ദുബൈ, അബുദാബി, അല്‍ ഐന്‍ തുടങ്ങിയ സ്ഥലങ്ങളില്‍ ഓഫീസുകളുള്ള ഇവര്‍ക്ക് എല്ലാ ജിസിസി രാജ്യങ്ങളിലേക്കും് വിപുലപ്പെടുത്താന്‍ പദ്ധതിയുണ്ട്. അടുത്ത് തന്നെ സൗദി അറേബ്യയില്‍ തങ്ങളുടെ സ്ഥാപനം തുറക്കുമെന്ന് മുസ്തഫയും മുഹമ്മദ് റാഫിയും അറിയിച്ചു.