പെരിറ്റോണിയല്‍ ഡയാലിസിസ്സ് ചെയ്യുന്നവര്‍ക്ക് മരുന്നില്ല

കല്‍പ്പറ്റ: പെരിറ്റോണിയല്‍ ഡയാലിസിസ്സ് ചെയ്യുന്നവര്‍ക്ക് മരുന്നില്ല. ചികിത്സ പ്രതിസന്ധിയിലായ രോഗികള്‍ പ്രതിഷേധിച്ചിട്ടും അനക്കമില്ലാതെ സര്‍ക്കാര്‍ .നാല് മാസമായി പെരിറ്റോണിയല്‍ ഫ്‌ളൂയിഡ് കിട്ടുന്നില്ലന്നാണ് രോഗികളുടെ പരാതി.'പെരിറ്റോണിയല്‍ ഡയാലിസിസ് വയനാട് ജില്ലാ കൂട്ടായ്മ്മയുടെ നേതൃത്വത്തിലാണ് കല്‍പ്പറ്റയില്‍ കലക്ടറേറ്റിന് മുമ്പില്‍ പ്രതിഷേധ ധര്‍ണ്ണ സംഘടിപ്പിച്ചത്. പെരിറ്റോണിയല്‍ ഡയാലിസിസ്സ് വയനാട് ജില്ലാ കൂട്ടായ്മ്മയുടെ കോഡിനേറ്റര്‍ വിനോദ് പുല്‍പ്പള്ളി ഉദ്ഘാടനം നിര്‍വ്വഹിച്ചു.

സൂചനാ സമരമായാണ് കലക്ട്രേറ്റ് ധര്‍ണ്ണ നടത്തുന്നതെന്ന് അദ്ദേഹം പറഞ്ഞു. സൂസന്‍ ബേബി അദ്ധ്യക്ഷയായി. യോഗത്തില്‍ സിബി പുല്‍പ്പള്ളി ,ഗിരിജാ വാളാട് ,ഓമന വര്‍ഗ്ഗീസ്, അനില്‍ കൊളവയല്‍, നിര്‍മ്മല, സെബാസ്റ്റ്യന്‍ കാപ്പുംചാല്‍, രമേശന്‍ പൂതാടി, അമ്പിളി വിനോദ് ,രാജേഷ് മാനന്തവാടി എന്നിവര്‍ സംസാരിച്ചു. ഒരു വര്‍ഷം മുമ്പ് മുഖ്യമന്ത്രി പ്രഖ്യാപിച്ച മാസം 4000/ രുപ എന്ന ചികിത്സാ ധനസഹായ നിധി നടപ്പിലാക്കുക, സമാശ്വാസ നിധി നടപ്പിലാക്കുക തുടങ്ങി വിവിധ ആവശ്യങ്ങളും ഉന്നയിച്ചു.