കാട്ടാന ആക്രമണം: ഇടുക്കിയില്‍ സ്ത്രീ കൊല്ലപ്പെട്ടു

അടിമാലി: ഇടുക്കിയില്‍ കാട്ടാന ആക്രമണത്തില്‍ വീണ്ടും മരണം. അടിമാലി പഞ്ചായത്തിലെ കാഞ്ഞിരവേലിയിലാണ് കാട്ടാനയിറങ്ങിയത്. ഇന്ദിര രാമകൃഷ്ണന്‍ (65) ആണ് കൊല്ലപ്പെട്ടത്.

കൂവ വിളവെടുക്കുന്നതിനിടയിലായിരുന്നു ആക്രമണം. ആശുപത്രിയിലേക്ക് കൊണ്ടുംപോകും വഴിയാണ് മരണപ്പെട്ടത്. മൃതദേഹം കോതമംഗലം ആശുപത്രിയിലേക്ക്മാറ്റി. രാവിലെ 9.30 നായിരുന്നു സംഭവം.