മലപ്പുറം: നിലമ്പൂരില്‍ കരടിയുടെ ആക്രമണത്തില്‍ യുവാവിന് ഗുരുതരമായി പരിക്കേറ്റു. ആദിവാസി വിഭാഗത്തില്‍ പെടുന്ന യുവാവ് കാട്ടില്‍ തേന്‍ ശേഖരിക്കാന്‍ പോകവെയായിരുന്നു കരടിയുടെ ആക്രമണമുണ്ടായത്.ചാലിയര്‍ പാലക്കയം കാട്ടുനായ്ക്ക കോളനിയിലെ അഖിലിനെയാണ് നിലമ്പൂര്‍ ഉള്‍ക്കാട്ടില്‍ വെച്ച് കരടിയുടെ കടിയേറ്റത്. ഏഴു സുഹ്യത്തുക്കള്‍ക്കൊപ്പമാണ് അഖില്‍ വനത്തിനുള്ളിലേക്ക് പോയത്. കരടി ആക്രമിച്ചതിനെ തുടര്‍ന്ന് മരത്തിലേക്ക് കയറിയായിരുന്നു ഇയാള്‍ രക്ഷപ്പെട്ടത്.