ചരിത്രത്തിലാദ്യം; 48,000 കടന്ന് കുതിച്ച് സ്വർണവില, തൊട്ടാൽ പൊള്ളും

കൊച്ചി: ചരിത്രത്തിലാദ്യമായി സ്വർണവില 48,000 രൂപ കടന്നു. കഴിഞ്ഞ ഏതാനും ദിവസങ്ങളായി തുടരുന്ന സ്വർണവില ഇന്നും തുടരുകയാണ്. ഇന്ന് 320 രൂപ വർധിച്ച് സ്വര്‍ണവില 48,080 രൂപയായി ഉയർന്നു. ഗ്രാമിന് 40 രൂപയാണ് ഉയര്‍ന്നത്. 6010 രൂപയാണ് ഒരു ഗ്രാം സ്വര്‍ണത്തിന്റെ വില.

കഴിഞ്ഞ ദിവസം മുതലാണ് റെക്കോര്‍ഡുകള്‍ ഭേദിച്ചുള്ള സ്വര്‍ണവിലയുടെ കുതിപ്പ് ആരംഭിച്ചത്. ചൊവ്വാഴ്ച 47,560 രൂപയായി ഉയര്‍ന്നാണ് ആദ്യം സര്‍വകാല റെക്കോര്‍ഡ് ഇട്ടത്. ഇന്നലെ വീണ്ടും ഉയര്‍ന്ന് പുതിയ ഉയരം കുറിച്ചു.

ചരിത്രത്തിലെ ഏറ്റവും വലിയ മുന്നേറ്റങ്ങളിലൊന്നാണ് ഈ മാസത്തിന്റെ തുടക്കം മുതല്‍ സ്വര്‍ണവില കാഴ്ചവയ്ക്കുന്നത്. മാര്‍ച്ച് ഒന്നിന് 46,320 രൂപ മാത്രമായിരുന്ന പവന്‍വിലയാണ് തുടര്‍ച്ചയായ കുതിപ്പിലൂടെ ഇന്ന് 48,080 രൂപയിലെത്തിയത്. കഴിഞ്ഞ 6 ദിവസത്തിനിടെ പവന് വര്‍ധിച്ചത് 1,760 രൂപയാണ്.