ദോഹ: വിശുദ്ധ റമദാനില്‍ യാത്രാ സൗകര്യം ഒരുക്കി ദോഹ മെട്രോ. യാത്രാ സൗകര്യം എളുപ്പമാക്കി ദോഹ മെട്രോ കൂടുതല്‍ സമയം സര്‍വീസ് നടത്തും. റമദാന്‍ ഒന്നുമുതല്‍ പുതിയ ഷെഡ്യൂളിലാണ് മെട്രോ സര്‍വിസ് നടത്തുക.

ശനിയാഴ്ച മുതല്‍ വ്യാഴാഴ്ച വരെ രാവിലെ ആറുമുതല്‍ രാത്രി ഒരുമണി വരെയാണ് സര്‍വീസ് നടത്തുകയെന്ന് ഖത്തര്‍ റെയില്‍ അറിയിച്ചു. വെള്ളിയാഴ്ച ദിവസം ഉച്ചയ്ക്ക് രണ്ടു മണി മുതല്‍ അര്‍ധരാത്രി ഒരു മണി വരെയും മെട്രോയും ലുസൈല്‍ ട്രാമും സര്‍വിസ് നടത്തും.

റമദാന്‍ കാലഘട്ടത്തില്‍ ഖത്തറിലെ സ്ത്രീകളും കുട്ടികളും ഉള്‍പ്പടെ രാത്രികാലങ്ങളില്‍
കൂടുതല്‍ പേര്‍ യാത്രാസൗകര്യം തേടുന്നത് പരിഗണിച്ചാണ് ദോഹ മെട്രോയുടെ സര്‍വിസ് സമയം ദീര്‍ഘിപ്പിക്കുന്നത്.

റമദാനില്‍ മെട്രോ അധിക സമയം സര്‍വിസ് നടത്തും