പുഴയില്‍ കുളിക്കാനിറങ്ങിയ എസ്.ഐ മുങ്ങിമരിച്ചു. പാലക്കാട് കൊപ്പം സ്റ്റേഷനിലെ എസ്.ഐയായ സുബീഷ്‌മോനാണ് മലപ്പുറത്തെ തൂതപ്പുഴയില്‍ മുങ്ങിമരിച്ചത്.പുലമന്തോള്‍ പാലത്തിനടിയില്‍ കുടുംബാംഗങ്ങള്‍ക്കൊപ്പം കുളിക്കാനായി ഇറങ്ങിയപ്പോഴായിരുന്നു അപകടം.ഫയര്‍ഫോഴ്‌സും നാട്ടുകാരും ചേര്‍ന്ന് നടത്തിയ തിരച്ചിലിലാണ് സുബീഷിനെ കിട്ടിയത്. ഞായറാഴ്ച ഉച്ചക്ക് രണ്ട് മണിയോടെയാണ് സംഭവം നടന്നത്.

കുടുംബത്തോടൊപ്പം എത്തിയ എസ്.ഐ പാറയില്‍നിന്ന് വഴുതി വീഴുകയായിരുന്നു. അല്‍പദൂരം ഒഴുകിപ്പോയ എസ്.ഐയെ നാട്ടുകാര്‍ രക്ഷിച്ച് പെരിന്തല്‍മണ്ണയിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഒരു മാസം മുമ്പാണ് ഇദ്ദേഹം കൊപ്പം സ്‌റ്റേഷനിലെത്തിയത്.