കണ്ണനല്ലൂര്‍ (കൊല്ലം): ജനാധിപത്യ വിരുദ്ധമായി നിയമനിര്‍മാണം നടത്തുകയും പക്ഷപാതപരമായി നടപ്പാക്കുകയും ചെയ്യുന്ന ഫാസിസ്റ്റ് ഭരണകൂടങ്ങള്‍ക്ക് വിജയിക്കാനാവില്ലെന്ന് എന്‍.കെ പ്രേമചന്ദ്രന്‍ എം.പി. അസ്തിത്വം, അവകാശം യുവനിര വീണ്ടെടുക്കുന്നു എന്ന പ്രമേയത്തില്‍ എസ്.കെ.എസ്.എസ്.എഫ് സംസ്ഥാന അധ്യക്ഷന്‍ പാണക്കാട് ഹമീദലി ശിഹാബ് തങ്ങള്‍ നയിക്കുന്ന മുന്നേറ്റ യാത്രയ്ക്ക് കണ്ണനല്ലൂരില്‍ നല്‍കിയ സ്വീകരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പൗരത്വനിയമ ഭേദഗതി ഭരണഘടനാ വിരുദ്ധമാണെന്ന് സുപ്രിംകോടതി കണ്ടെത്തുമെന്നതിനാലാണ് അവ നടപ്പാക്കാതെ കേന്ദ്രം കാത്തിരിക്കുന്നത്. കേരളത്തില്‍ ഫാസിസ്റ്റ് ശക്തികള്‍ ഇടം കണ്ടെത്താന്‍ ശ്രമിക്കുമ്പോള്‍ അതിനു വളംവയ്ക്കുന്ന തരത്തിലുള്ള പ്രസ്താവനകള്‍ നടത്തി സാമൂഹിക ഭിന്നിപ്പ് സൃഷ്ടിക്കുന്നവരെ തിരിച്ചറിയണമെന്നും അദ്ദേഹം പറഞ്ഞു.
മുസ്തഫ തങ്ങള്‍ അല്‍ ഐദറൂസി പ്രാര്‍ഥന നടത്തി. സ്വാഗത സംഘം ചെയര്‍മാന്‍ നഫീസുദ്ദീന്‍ ഹുദവി അധ്യക്ഷനായി. ജനറല്‍ കണ്‍വീനര്‍ എ.കെ മുഹമ്മദ് സിയാദ് കേരളപുരം സ്വാഗതം പറഞ്ഞു.
ഹമീദലി ശിഹാബ് തങ്ങള്‍, സത്താര്‍ പന്തലൂര്‍, റശീദ് ഫൈസി വെള്ളായിക്കോട്, താജുദ്ദീന്‍ ദാരിമി പടന്ന, ഫഖ്‌റുദ്ദീന്‍ തങ്ങള്‍ കണ്ണന്തളി, ഒ.പി.എം അശ്‌റഫ്, ടി.പി സുബൈര്‍ മാസ്റ്റര്‍, സി.ടി ജലീല്‍ മാസ്റ്റര്‍, ശമീര്‍ ഫൈസി ഒടമല, ഹാശിറലി ശിഹാബ് തങ്ങള്‍ പാണക്കാട്, ആശിഖ് കുഴിപ്പുറം, അയ്യൂബ് മാസ്റ്റര്‍ മുട്ടില്‍, ഹബീബ് ഫൈസി കോട്ടോപാടം, സ്വാദിഖ് അന്‍വരി, ഫൈസല്‍ ഫൈസി, സുലൈമാന്‍ ഉഗ്രപുരം, ഹബീബ് വരവൂര്‍, മുബാറക്ക് എടവണ്ണപാറ, സുറൂര്‍ പാപ്പിനിശ്ശേരി, സ്വാദിഖ് ഫൈസി താനൂര്‍, മുഹമ്മദ് റഹ്മാനി തരുവണ, ഷാക്കിര്‍ ഫൈസി, ഫാറൂഖ് ദാരിമി കൊല്ലമ്പാടി, അബ്ദുല്‍ ഖാദര്‍ ഹുദവി, മുജ്തബ ഫൈസി, ഷമീര്‍ മാസ്റ്റര്‍, നിസാം കണ്ടത്തില്‍, അയ്യൂബ് ഖാന്‍ ഫൈസി സംസാരിച്ചു.
ചങ്ങനത്തോപ്പ് ശരീഫ്, അഹമ്മദ് ഉഖൈല്‍, ഉമര്‍ മുസ്‌ലിയാര്‍, ഷാജഹാന്‍ ഫൈസി, ജവാദ് ബാഖവി, അബ്ദുല്‍ മജീദ് ദാരിമി, ദമീന്‍ മുട്ടയക്കാവ്, അബ്ദുല്ല കുണ്ടറ, നൗഷാദ് അസ്‌ലമി, അബ്ദുറഹ്മാന്‍ മൗലവി പങ്കെടുത്തു. കൊല്ലത്ത് ഓയൂരിലും ഓച്ചിറയിലും മുന്നേറ്റ യാത്രയ്ക്ക് സ്വീകരണം നല്‍കി.
ഓയൂരില്‍ നടന്ന സ്വീകരണ സമ്മേളനം ലീഗ് ജില്ലാ പ്രസിഡന്റ് അഡ്വ. എം. അന്‍സറുദ്ദീനും ഓച്ചിറയില്‍ കൃഷ്ണപുരം പഞ്ചായത്ത് പ്രസിഡന്റ് ഷാനി കുറുമ്പൊലിലും ഉദ്ഘാടനം ചെയ്തു. പത്തനംതിട്ട അടൂരില്‍ നല്‍കിയ സ്വീകരണം ആന്റോ ആന്റണി എം.പി ഉദ്ഘാടനം ചെയ്തു.