ജിദ്ദ: മുപ്പത് വർഷത്തെ പ്രവാസ ജീവിതം മതിയാക്കി നാട്ടിലേക്ക് മടങ്ങുന്ന പി എസ് എം ഒ കോളേജ് പൂർവ്വ വിദ്യാർത്ഥി സംഘടന ജിദ്ദ ചാപ്റ്റർ മുൻ പ്രസിഡണ്ട് എ പി കുഞ്ഞാലി ഹാജിക്കും സജീവ പ്രവർത്തകനുമായ കെ പി ഹംസക്കും പൂർവ്വ വിദ്യാർത്ഥി സംഘടന ജിദ്ദ ചാപ്റ്റർ യാത്രയയപ്പ് നൽകി. ഷറഫിയ ഗ്രീൻലാൻഡ് ഓഡിറ്റോറിയത്തിൽ നടന്ന പരിപാടിയിൽ പ്രസിഡണ്ട് സീതി കൊളക്കാടൻ അധ്യക്ഷത വഹിച്ചു. ജിദ്ദ ഇൻറർനാഷണൽ ഇന്ത്യൻ സ്‌കൂൾ മാനേജ്മെൻറ് അംഗം അസ്‌ലം മുഖ്യാതിഥിയായിരുന്നു.

     വി പി മുസ്തഫ, അഷ്‌റഫ്‌ കുന്നത്ത്, അഷ്‌റഫ് അഞ്ചാലൻ, കെ എം എ ലത്തീഫ്, ബഷീർ അച്ഛൻപാട്ട്, ഷമീം താപ്പി, ശുഹൈബ് കൊളക്കാടൻ, കെ കെ മുസ്തഫ, സമദ് പൊറ്റയിൽ, മുജീബ് മൂത്തേടത്ത് എന്നിവർ സംസാരിച്ചു. ആക്ടിംഗ് ജനറൽ സെക്രട്ടറി ഷാജി അരിമ്പ്രതൊടി സ്വാഗതാവും എംപി റഊഫ് നന്ദിയും പറഞ്ഞു.