കാഞ്ഞങ്ങാട്: പഴയ കടപ്പുറത്തെ അബ്ദുല്‍ റഹിമാന്‍ ഔഫിന്റെ കൊലപാതകവുമായി ബന്ധപ്പെട്ട ആയുധം കണ്ടെത്തി. കൊലയ്ക്കുപയോഗിച്ച കത്തിയാണ് കണ്ടെത്തിയത്. കസ്റ്റഡിയിലുള്ള പ്രതി ഇര്‍ഷാദിനെയും കൊണ്ട് ക്രൈംബ്രാഞ്ച് സംഘം നടത്തിയ തെരച്ചിലിലാണ് കത്തി കണ്ടെത്തിയത്.  കൊല നടന്ന സ്ഥലത്തു നിന്ന് 50 മീറ്റര്‍  ദൂരെയുള്ള മുണ്ടത്തോട് റോഡിന്റെ കിഴക്കുവശത്തുള്ള പറമ്പില്‍ നിന്നാണ് കത്തി കണ്ടെടുത്തത്. ഇര്‍ഷാദ് കത്തി ഉപേക്ഷിച്ചതായി പറഞ്ഞ സ്ഥലത്തിന്റെ അല്‍പമകലെയാണിത്. ക്രൈംബ്രാഞ്ച് ഡിവൈ.എസ്.പി കെ. ദാമോദരന്റെ  നേതൃത്വത്തിലുള്ള സംഘമാണ് തെളിവെടുപ്പ് നടത്തുന്നതിന് വേണ്ടി പ്രതിയെ സ്ഥലത്തെത്തിച്ചത്. 

ഇന്നലെ വൈകുന്നേരം നാലോടെ എത്തിയ സംഘം രണ്ട് മണിക്കൂറിലേറെ നടത്തിയ തെരച്ചിലിനുശേഷമാണ് കത്തി കണ്ടെത്തിയത്.