കൊല്ലം: സി.പി.എം.കൊല്ലം ജില്ലാ സമ്മേളനത്തിൽ പൊലിസിനെതിരെ വിമർശനം. മുൻ എം.എൽ.എ. കൂടിയായ അയിഷാ പോറ്റിയാണ് വിമർശനം ഉന്നയിച്ചത്.പൊലിസിനെ നിയന്ത്രിക്കാൻ പാർട്ടി ഇടപെടണമെന്നും തനിക്ക് പൊലും പൊലിസ് സ്റ്റേഷനിൽ നിന്ന് നീതി നിഷേധിക്കപ്പെട്ടെന്നും അയിഷാ പോറ്റി പറഞ്ഞു. കൊല്ലത്തെ സി.പി.എം നേതാക്കൾക്കെതിരെ എസ്.രാമചന്ദ്രൻ പിള്ളയും വിമർശനം ഉന്നയിച്ചു.

സമ്മേളനത്തിൽ ചൈനയുടെ നിലപാടുകളെയും സിപിഎം ജില്ലാ സമ്മേളന പ്രതിനിധികൾ വിമർശിച്ചു. ചൈന കമ്മ്യൂണിസ്റ്റ് രാജ്യമല്ല. അവർ പിന്തുടരുന്നത് മുതലാളിത്തവും ജനാധിപത്യ വിരുദ്ധതയുമാണ്. ചൈനയുടെ ഉയർച്ച ഇന്ത്യയിലെ പാർട്ടി അഭിമാനമായി കാണേണ്ടതില്ല. തുടർഭരണത്തിൽ അഹങ്കരിക്കരുതെന്നും നേതാക്കൾക്ക് മസിലു പിടുത്തം വേണ്ടെന്നും ജില്ലാ നേതാക്കളോട് താക്കീതിന്റെ സ്വരത്തിലാണ് പി ബി അംഗം എസ് രാമചന്ദ്രൻ പിള്ള പറഞ്ഞത്.