തിരുവനന്തപുരം:കൊവിഡ് വ്യാപനത്തിന്റെ പശ്ചാത്തലത്തില്‍ ഈ വര്‍ഷം ഐഎഫ്എഫ്‌കെ നാലിടത്ത് സംഘടിപ്പിക്കുമെന്ന തീരുമാനത്തില്‍ ഉറച്ച് സര്‍ക്കാര്‍. നാലിടത്ത് നടത്താമെന്ന തീരുമാനം ഉചിതമാണെന്ന് മന്ത്രി എ കെ ബാലന്‍ പറഞ്ഞു.

ഐ.എഫ്.എഫ്.കെ മുൻപ് നടത്തുന്നത് പോലെ ഇപ്പോൾ നടത്താനാകില്ല. തിരുവനന്തപുരത്ത് നിന്ന് കേന്ദ്രം മാറ്റുന്നതില്‍ പലരുടെയും പ്രതികരണം കാര്യങ്ങള്‍ മനസിലാക്കാതെയാണെന്നും മന്ത്രി പറഞ്ഞു. തിരുവനന്തപുരത്തേയ്ക്ക് കൊവിഡിന്റെ വ്യാപനം വരട്ടെ എന്ന് പറഞ്ഞ് സാംസ്‌കാരിക വകുപ്പിന് നടപടി എടുക്കാനാകില്ലെന്നും മന്ത്രി കൂട്ടിചേര്‍ത്തു.

കേരളത്തിന്റെ രാജ്യാന്തര ചലച്ചിത്ര മേളയായ ഐ.എഫ്.എഫ്.കെ നാല് മേഖലകളായി നടത്തുമെന്ന പ്രഖ്യാപനം വന്നതിന് പിന്നാലെ സോഷ്യല്‍ മീഡിയയില്‍ വലിയ വിവാദങ്ങള്‍ ഉടലെടുത്തിരുന്നു.