കോഴിക്കോട്: വരാനിരിക്കുന്ന നിയമസഭ തെരഞ്ഞെടുപ്പില്‍ മുസ്‌ലിം ലീഗിന് കൂടുതല്‍ സീറ്റുകള്‍ നല്‍കണമെന്ന് കെ മുരളീധരന്‍ എം.പി. കേരള കോണ്‍ഗ്രസ് എമ്മിന്റെ സീറ്റ് വീതം വെക്കുമ്പോള്‍ ലീഗിനെയും പരിഗണിക്കണമെന്ന് കെ മുരളീധരന്‍ ആവശ്യപ്പെട്ടു. സിറ്റിങ് എംഎല്‍എമാര്‍ക്ക് സീറ്റ് നല്‍കണമെന്നും നാല് തവണയില്‍ കൂടുതല്‍ മത്സരിച്ച് വിജയിച്ചവര്‍ക്ക് സീറ്റ് നല്‍കുന്നതില്‍ തെറ്റില്ലെന്നും അദ്ദേഹം പറഞ്ഞു.

മുസ്‌ലിം ലീഗ് അധിക സീറ്റ് ആവശ്യപ്പെടുമെന്ന സൂചനകള്‍ വരികയും സിപിഎം ഉള്‍പ്പെടെ വിമര്‍ശനം ഉയര്‍ത്തുകയും ചെയ്ത സാഹചര്യത്തിലാണ് കെ. മുരളീധരന്റെ പ്രതികരണം.

അതേ സമയം തദ്ദേശതെരഞ്ഞെടുപ്പിലെ തിരിച്ചടി യു.ഡി.എഫിനുള്ള ഷോക്ക് ട്രീറ്റ്‌മെന്റാണെന്നും അദ്ദേഹം പറഞ്ഞു.