റിയാദ്: ആകാശത്തേക്ക് വെടിയുതിർത്ത് വാഹനമോടിച്ച കേസിൽ രണ്ടു സഊദി യുവാക്കളെ പോലീസ് പിടികൂടി. വാഹനം ഓടിക്കൊണ്ടിരിക്കുന്നതിനിടെ ആകാശത്തേക്ക് തോക്ക് ചൂണ്ടി വെടിയുതിർക്കുന്നതായ ദൃശ്യങ്ങൾ സാമൂഹിക മാധ്യമങ്ങളിൽ വ്യാപകമായതിനെ തുടർന്ന് നടത്തിയ അന്വേഷണത്തിലാണ് യുവാക്കളെ ഖുറയ്യാത്ത് ഗവർണറേറ്റ് പോലീസ് പിടികൂടിയത്. മുപ്പത് വയസ്സ് പ്രായമുള്ള സ്വദേശി യുവാക്കളാണ് പോലീസ് പിടിയിലായതെന്ന് ഖുറയാത്ത് പോലീസ് അറിയിച്ചു.