കോഴിക്കോട്: സമസ്ത കേരള ജംഇയ്യത്തുല്‍ ഉലമാ നേതാക്കള്‍ പാണക്കാട് കൂടിക്കാഴ്ച നടത്തി.പാണക്കാട് സയ്യിദ് ഹൈദരലി ശിഹാബ് തങ്ങള്‍, സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍, പ്രൊഫ.കെ.ആലിക്കുട്ടി മുസ്‌ലിയാര്‍, എം.ടി അബ്ദുള്ള മുസ്‌ലിയാര്‍, കൊയ്യോട് ഉമര്‍ മുസ്‌ലിയാര്‍ എന്നിവരാണ് കൂടിക്കാഴ്ച്ച നടത്തിയത്. സമസ്ത കേരള ജംഇയ്യത്തുല്‍ ഉലമയും മുസ്‌ലിം ലീഗും തമ്മില്‍ അഭിപ്രായ വ്യത്യാസമൊന്നുമില്ലെന്നും മറിച്ചുള്ള പ്രചരണം അസ്ഥാനത്താണെന്നും കൂടിക്കാഴ്ചക്ക് ശേഷം നേതാക്കള്‍ മാധ്യമങ്ങളോട് പറഞ്ഞു.കഴിഞ്ഞ കാലങ്ങളിലെ പോലെ സൗഹൃദപരമായിട്ടാണ് ഇരു സംഘടനകളും മുമ്പോട്ട് പോകുന്നത്.തുടര്‍ന്നും അങ്ങിനെ തന്നെ മുമ്പോട്ട് പോകുമെന്ന് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ പറഞ്ഞു.