കിനാലൂര്‍: പനങ്ങാട് പഞ്ചായത്തില്‍ നടപ്പിലാക്കുന്ന സംസ്ഥാന കൃഷിവകുപ്പിന്റെ കേരഗ്രാമം പദ്ധതിയുടെ ഉദ്ഘാടനം ബാലുശ്ശേരി എം.എല്‍.എ പുരുഷന്‍ കടലുണ്ടി നിര്‍വഹിച്ചു. പനങ്ങാട് പഞ്ചായത്തിലെ 10 മുതല്‍ 20 വരെയുള്ള വാര്‍ഡുകളിലാണ് പദ്ധതി നടപ്പിലാക്കുന്നത്. പദ്ധതിയുടെ ഭാഗമായി ഒന്നര കോടി രൂപയുടെ സഹായം കേരകര്‍ഷകര്‍ക്ക് ലഭിക്കും. പഞ്ചായത്ത് പ്രസിഡന്റ് വി.എം കമലാക്ഷി അധ്യക്ഷയായി. സി.വി ശാന്ത പദ്ധതി വിശദീകരിച്ചു. പി അനിത,പി ഉസ്മാന്‍, കോട്ടയില്‍ മുഹമ്മദ്, എല്‍.വി വിലാസിനി, പി.സി പുഷ്പ, കെ.വി നൗഷാദ്, കെ.ബാലകൃഷ്ണന്‍, എം.എം പത്മനാഭന്‍, പഞ്ചായത്ത് അംഗങ്ങള്‍,കര്‍ഷക പ്രതിനിധികള്‍ സംസാരിച്ചു.