ന്യൂഡല്‍ഹി: കേരളത്തി ല്‍ കൊവിഡ് കേസുകള്‍ ഉയരുന്നതില്‍ മുന്നറിയിപ്പുമായി കേന്ദ്രം. പ്രതിരോധ നടപടികളില്‍ വീഴ്ച പാടില്ലെന്ന് കേന്ദ്ര ആരോഗ്യ മന്ത്രി ഹര്‍ഷ് വര്‍ധന്‍ നിര്‍ദേശിച്ചു. കേരളം ഉള്‍പ്പെടെ മൂന്ന് സംസ്ഥാനങ്ങളില്‍ കഴിഞ്ഞ ദിവസങ്ങളില്‍ കേസുകള്‍ കൂടി. പോരായ്മകള്‍ ഈ സംസ്ഥാനങ്ങള്‍ ഉടന്‍ പരിഹരിക്കണമെന്നും അദ്ദേഹം പറഞ്ഞു.

അതേസമയം, വാക്‌സിന്‍ വിചരണത്തിന് മുന്നോടിയായാ നാളെ രാജ്യത്തെ എല്ലാ ജില്ലകലിലും ഡ്രൈ റണ്‍ നടത്തും. ഇതു മായി ബന്ധപ്പെട്ട് കേന്ദ്ര ആരോഗ്യമന്ത്രി സംസ്ഥാന മന്ത്രിമാരുമായി ചര്‍ച്ച നടത്തി. വാക്‌സിനേഷനുള്ള തയാറെടുപ്പുകള്‍ പൂര്‍ത്തീകരിക്കാനം വ്യാജ വാര്‍ത്തകള്‍ തടയാന്‍ നടപടിയെടുക്കാനും അദ്ദേഹം ആവശ്യപ്പെട്ടു.
ഈ മാസം 13ന് വാക്‌സീന്‍ വിതരണം നടത്താനാണ് കേന്ദ്ര ആരോഗ്യമന്ത്രാലയത്തിന്റെ നീക്കം. കൊവിഡ് വാക്‌സീന്‍ വിതരണത്തിന് മുന്‍ഗണന പട്ടിക തയാറാക്കി. തടസങ്ങളില്ലാതെ എല്ലാവര്‍ക്കും വാക്‌സീന്‍ ലഭ്യമാക്കുമെന്നും ഹര്‍ഷ് വര്‍ധന്‍ പറഞ്ഞു.