പാലക്കാട്: ആര്‍.എസ്.എസ് പ്രവര്‍ത്തകന്‍ സഞ്ജിത്തിന്റെ കൊലപാതകത്തില്‍ ഗൂഢാലോചനയില്‍ പങ്കുള്ള പ്രതിക്ക് ജാമ്യം. പ്രതികളെ ഒളിവില്‍ കഴിയാന്‍ സഹായിച്ച എസ്ഡിപിഐ മലപ്പുറം പുത്തനത്താണി ഏരിയ പ്രസിഡന്റായ പുന്നത്തല പുതുശേരി പറമ്പില്‍ അബ്ദുല്‍ ഹക്കീമിനാണ് പാലക്കാട് ജ്യുഡീഷ്യല്‍ ഒന്നാം ക്ലാസ് കോടതി ജാമ്യം അനുവദിച്ചത്. റിമാന്‍ഡ് കാലാവധിയിലാണ് ജാമ്യം ലഭിച്ചത്.

കേസില്‍ നാലിലധികം പ്രതികളെ ഇനിയും പിടികൂടാനുണ്ട്. ജാമ്യം ലഭിച്ചത് പ്രോസിക്യൂഷന്റെ വീഴ്ച മൂലമെന്ന് ബിജെപി വിമര്‍ശിച്ചു.

2021 നവംബര്‍ പതിനഞ്ചിനാണ് പാലക്കാട് മമ്പറത്ത് ആര്‍എസ്എസ് പ്രവര്‍ത്തകന്‍ സഞ്ജിത്ത് കൊല്ലപ്പെട്ടത്. ഭാര്യക്കൊപ്പം ബൈക്കില്‍ സഞ്ചരിച്ച സഞ്ജിത്തിനെ അഞ്ചംഗ സംഘം കാറിടിച്ച് വീഴ്ത്തിയ ശേഷം വെട്ടിക്കൊലപ്പെടുത്തുകയായിരുന്നു.