കുറ്റ്യാടി: വേളം പഞ്ചായത്ത് വൈസ് പ്രസിഡന്റ് കെ.സി ബാബുവിന്റെ വീട്ടിൽ നിന്നും ചാക്ക് കണക്കിന് അടക്ക മോഷണം പോയതതായി പരാതി. ഞായറാഴ്ച്ച അർധരാത്രിയോടെയാണ് സംഭവം. ഏകദേശം 90 കിലോഗ്രാം തൂക്കമുള്ള 12 ചാക്ക് വെള്ളക്കൊട്ടയാണ് നഷ്ടപ്പെട്ടത്.

തൊട്ടടുത്ത വാതുക്കൽ പറമ്പത്ത് ഗോപാലന്റെ വീട്ടിൽ നിന്ന് 75 റബ്ബർ ഷിറ്റുകളും മോഷ്ടിച്ചു. രാത്രികാലങ്ങളിൽ അപരിചിതരായവർ വാഹനങ്ങളുമായി ഈ റൂട്ടിലൂടെ സഞ്ചരിക്കാറുണ്ടെസ് നാട്ടുകാർ പറഞ്ഞു. കുറ്റ്യാടി പൊലിസ് സ്ഥലത്തെത്തി വിവരങ്ങൾ ശേഖരിച്ചു.

പരാതിയിൽ അന്വേഷണം ഊർജിതമാക്കിയതായി പൊലിസ് അറിയിച്ചു.