തിരുവനന്തപുരം: മുഖ്യമന്ത്രി പിണറായി വിജയന് ശബരിമല കയറാന്‍ കഴിയാത്തതിന്റെ കാരണം സാക്ഷാല്‍ അയ്യപ്പനെന്ന് പി.സി ജോര്‍ജ് എം.എല്‍.എ. നമ്മുടെ മുഖ്യമന്ത്രിക്ക് ശബരിമല കയറാന്‍ കഴിയില്ലെന്ന് ഞാന്‍ നേരത്തെ പറഞ്ഞിട്ടുള്ളതാണ്. കാരണം, അതിനുള്ള ആരോഗ്യം അദ്ദേഹത്തിനില്ല എന്നതാണ്. എന്നിട്ടും വാശിയുടെ പുറത്താണ് അദ്ദേഹം ശബരിമലയിലേക്ക് പോകാമെന്ന തീരുമാനമെടുത്തത്. അവസാനം സാക്ഷാല്‍ അയ്യപ്പന്‍ തന്നെ ആ യാത്ര മുടക്കിയെന്നും പി.സി ജോര്‍ജ് പറഞ്ഞു.

തീര്‍ഥാടന കാലത്തെ മുന്നൊരുക്കങ്ങള്‍ സംബന്ധിച്ചു സന്നിധാനത്ത് നടത്താനിരുന്ന അവലോകനയോഗം ശക്തമായ മഴ മൂലം പമ്പയിലേക്ക് മാറ്റിയിരുന്നു. ഇതിനെ തുടര്‍ന്നാണ് പി.സി ജോര്‍ജിന്റെ പ്രതികരണം.