്യൂഡല്‍ഹി: അരുണാചല്‍ പ്രദേശില്‍ ചൈന അനധികൃത കുടിയേറ്റങ്ങള്‍ നിര്‍മിച്ചതിന്റെ സാറ്റലൈറ്റ് ദൃശ്യങ്ങല്‍ പുറത്ത്. 101 വീടുകള്‍ അടങ്ങുന്ന ഗ്രാമത്തിന്റെ ദൃശ്യങ്ങള്‍ എന്‍.ഡി.ടി.വി പുറത്തുവിട്ടു. 2020 നവംബര്‍ ഒന്നിന് പതിഞ്ഞ ദൃശ്യം നിരവധി വിദഗ്ധര്‍ പരിശോധന നടത്തിയതായും അതില്‍ നിര്‍മാണം സ്ഥിരികരിച്ചതായും അധികൃതര്‍ അറിയിച്ചു.

അരുണാചല്‍ പ്രദേശില്‍ അതിര്‍ത്തിയില്‍ നിന്ന് 4.5 കി.മി ഉള്ളിലേക്ക് മാറിയാണ് ചൈനീസ് നിര്‍മിത വീടുകള്‍ കാണപ്പെടുന്നത്. അതിര്‍ത്തി പ്രശ്‌നം നിലനില്‍ക്കുന്നതിനിടെ ഇന്ത്യക്ക് മറ്റൊരു തലവേദനയാവുന്നതാണ് പുതിയ നിര്‍മാണം. അപ്പര്‍ സുബന്‍സിരി ജില്ലയില്‍ സാരി ചു നദിയുടെ തീരത്താണ് ചൈനീസ് നിര്‍മിത ഗ്രാമം. ഇതേ മേഖലയില്‍ നിന്ന് 2019 ഓഗസതില്‍ ചിത്രീകരിച്ച ദൃശ്യത്തില്‍ നിര്‍മാണ കേന്ദ്രങ്ങളൊന്നും തന്നെ കണ്ടത്താന്‍ കഴിയില്ല. ഇതിനു ശേഷമാണ് ചൈന ഇവിടെ നിര്‍മാണം ആരംഭിച്ചതെന്നാണ് വിലയിരുത്തല്‍.

ഈ പ്രദേശത്തിന്റെ പേരില്‍ ഇന്ത്യയും ചൈനയും തമ്മില്‍ ദീര്‍ഘ കാലം തര്‍ക്കം നിനില്‍ക്കുകയം സംഘര്‍ഷത്തിലേക്ക് നയിക്കുകയും ചെയ്തിരുന്നു. പതിറ്റാണ്ടുകളായി ഇന്ത്യയുംചൈനയും തമ്മില്‍ സംഘര്‍ഷം നിലനില്‍ക്കുന്ന കിഴക്കന്‍ ഹിമാലന്‍ മേഖലയിലാണ് അധനധികൃത നിര്‍മാണം. ലഡാക്കില്‍ ഇരുരാജ്യങ്ങളും തമ്മില്‍ സംഘര്‍ഷം നടന്ന മേഖലയില്‍ നിന്നു ആയിരക്കണക്കിന് കിലോമീറ്റര്‍ അകലെയാണ് പുതിയ നിര്‍മാണങ്ങള്‍ കണ്ടെത്തിയത്. കഴിഞ്ഞ ജൂണില്‍ ലഡാക്കില്‍ നട
ന്ന സംഘര്‍ഷത്തില്‍ 20 ഇന്ത്യന്‍ സൈനികര്‍ കൊല്ലപ്പെട്ടിരുന്നു.