അജ്മാന്‍: ഭര്‍ത്താവ് വാഹനം പാര്‍ക്ക് ചെയ്യുന്നതിനിടെ വാഹനത്തിനടിയില്‍പ്പെട്ട് മലായാളി വീട്ടമ്മയ്ക്ക് ദാരുണ അന്ത്യം. തൃശൂര്‍ സ്വദേശി ഷാന്‍ലിയുടെ ഭാര്യ ലിജിയാണ് അതിദാരുണമായി മരിച്ചത്.

അജ്മാനിലെ ആശുപത്രി പാര്‍ക്കിങില്‍ ശനിയാഴ്ചയായിരുന്നു സംഭവം. ലിജി സംഭവ സ്ഥലത്തുവച്ചു തന്നെ മരിച്ചു. ഇവര്‍ക്ക് രണ്ടു മക്കളുണ്ട്. വാഹനം പാര്‍ക്ക് ചെയ്യുന്നതിനിടെ ബ്രേക്കിന് പകരം അബദ്ധത്തില്‍ ആക്‌സിലറേറ്റര്‍ ചവിട്ടിയതാണ് അപകട കാരണം.