വിഴിഞ്ഞം: സിമന്റ് കയറ്റിവന്ന ലോറി നിയന്ത്രണംവിട്ട് വീടിന്റെ മതില്‍ ഇടിച്ചു തകര്‍ത്തു. ബുധനാഴ്ച രാത്രി 12.30നായിരുന്നു അപകടം.
തമിഴ്‌നാട്ടില്‍ നിന്നും സിമന്റുമായി തിരുവനന്തപുരത്തെ ഗോഡൗണിലേക്ക് പോവുകയായിരുന്ന ലോറിയാണ് പുതിയതുറയ്ക്ക് സമീപത്ത് വച്ച് അപകടത്തില്‍പ്പെട്ടത്. നിയന്ത്രണംവിട്ട ലോറി റോഡരികിലെ സേവ്യറിന്റെ വീട്ടിലെ ചുറ്റുമതില്‍ തകര്‍ത്താണ് നിന്നത്. ശബ്ദംകേട്ട് വീട്ടുകാര്‍ ഉണര്‍ന്നപ്പോഴാണ് സംഭവം അറിയുന്നത്. ഡ്രൈവര്‍ ഉറങ്ങിയതോ മറ്റു വാഹനത്തിനു സൈഡ് നല്‍കിയതോ ആകാം അപകടകാരണമെന്ന് കാഞ്ഞിരംകുളം പൊലിസ് പറഞ്ഞു.
ഇന്നലെ വൈകിട്ടോടെ
ക്രെയിന്‍ കൊണ്ടുവന്ന് ലോറിയെ  അപകടസ്ഥലത്ത് നിന്നും മാറ്റി.