തിരുവനന്തപുരം: തുടര്‍ച്ചയായി നാലാം ദിനവും കോവിഡ് രോഗികളുടെ എണ്ണം അര ലക്ഷത്തിനു മുകളില്‍ തുടരുന്ന പശ്ചാത്തലത്തില്‍ ഇന്ന് വീണ്ടും കോവിഡ് അവലോകന യോഗം. നിര്‍ണായക തീരുമാനങ്ങളുണ്ടാകുമെന്ന് പ്രതീക്ഷിക്കുന്നു. ഞായറാഴ്ചയിലെ ലോക്ഡൗണ്‍ സമാന നിയന്ത്രണം തുടരണമോ എന്ന കാര്യത്തിലും തീരുമാനമുണ്ടാകും.

തിരുവനന്തപുരം ജില്ലയിലേതിന് സമാനമായ നിയന്ത്രണങ്ങള്‍ എറണാകുളം ജില്ലയിലും ഏര്‍പ്പെടുത്തിയേക്കും. ഇവിടെ രോഗികളുടെ എണ്ണം ക്രമാതീതമായി ഉയരുകയാണ്. നിയന്ത്രണങ്ങള്‍ തിരുവനന്തപുരത്ത് ഫലം ചെയ്‌തെന്നാണ് വിലയിരുത്തല്‍.

ഇപ്പോള്‍ എ,ബി,സി കാറ്റഗറി തിരിച്ചാണ് നിയന്ത്രണം ഏര്‍പ്പെടുത്തിയിട്ടുള്ളത്. സി കാറ്റഗറി നിയന്ത്രണം ഉള്ള സ്ഥലങ്ങളില്‍ തിയറ്ററുകള്‍, ജിമ്മുകള്‍ എന്നിവ അനുവദിക്കണമെന്ന ആവശ്യവും ഇന്ന് പരിഗണിക്കും.