കൊച്ചി: പാലാരിവട്ടം പാലം തകര്‍ച്ചയില്‍ നഷ്ടപരിഹാരം തേടി സര്‍ക്കാര്‍. പാലാരിവട്ടം പാലം നിര്‍മിച്ച കരാര്‍ കമ്പനി 24.52 കോടി നല്‍കണമെന്ന് ആവശ്യപ്പെട്ട് സര്‍ക്കാര്‍ നോട്ടിസ് അയച്ചു. കരാര്‍ വ്യവസ്ഥ പ്രകാരം നഷ്ടം നികത്താന്‍ കമ്പനിയ്ക്ക് ബാധ്യതയുണ്ടെന്ന് സര്‍ക്കാര്‍ വ്യക്തമാക്കി.

പാലം കൃത്യമായി നിര്‍മിക്കുന്നതില്‍ കമ്പനിയ്ക്ക് വീഴ്ച്ച പറ്റിയെന്നും പാലത്തിന്റെ പുനര്‍നിര്‍മാണം സര്‍ക്കാരിന് വന്‍ ബാധ്യതയാണ് ഉണ്ടാക്കിയതെന്നും സര്‍ക്കാര്‍ നോട്ടിസില്‍ പറയുന്നു.

2016 ഒക്ടോബര്‍ 12 നാണ് മുഖ്യമന്ത്രി പിണറായി വിജയന്‍ പാലാരിവട്ടം മേല്‍പ്പാലം യാത്രക്കാര്‍ക്കായി തുറന്ന് കൊടുത്തത്. ഉദ്ഘാടനം കഴിഞ്ഞ് മൂന്ന് വര്‍ഷം തികയും മുന്‍പാണ് മേല്‍പ്പാലത്തിന് കേടുപാടുകള്‍ സംഭവിച്ചത്.