തിരുവനന്തപുരം: താന്‍ കേരളത്തിലേക്ക് എപ്പോള്‍ വരണമെന്ന് രമേശ് ചെന്നിത്തല തീരുമാനിക്കേണ്ടെന്നും ഗവര്‍ണര്‍ പദവിയെ കുറിച്ച് ചെന്നിത്തലയക്ക് ഒന്നുമറിയില്ലെന്നും ശ്രീധരന്‍ പിള്ള. ഗവര്‍ണര്‍ എന്ത് ചെയ്യണമെന്ന് ചെന്നിത്തലയെക്കാളും നന്നയി തനിക്കറിയാമെന്നും സഭാവിഷയങ്ങളില്‍ ഗവര്‍ണറായ താന്‍ ഇടപെടുന്നതില്‍ തെറ്റില്ലെന്നും അദ്ദേഹം പറഞ്ഞു.

ഓര്‍ത്തഡോക്‌സ് -യാക്കോബായ സഭാ തര്‍ക്കത്തില്‍ ശ്രീധരന്‍ പിള്ള ഇടപെടുന്നത് ബി.ജെ.പിക്കാരനെ പോലെയാണെന്ന് പറഞ്ഞ് പ്രതിപക്ഷ നേതാവ് രമേശ് ചെന്നിത്തല വിമര്‍ശിച്ചിരുന്നു. സാധാരണ നിലയില്‍ ഗവര്‍ണര്‍മാര്‍ ഇത്തരം കാര്യങ്ങളില്‍ ഇടപെടാറില്ല.
ഗവര്‍ണര്‍ ആണെന്നത് മറന്നുകൊണ്ട് ബി.ജെ.പി സംസ്ഥാ അധ്യക്ഷനെ പോലെയാണ് ശ്രീധരന്‍പിള്ള പ്രവര്‍ത്തിക്കുന്നതെന്നും ചെന്നിത്തല പറഞ്ഞിരുന്നു. ഇതിന് മറുപടിയായാണ് ശ്രീധരന്‍ പിള്ളയുടെ പ്രതികരണം.