കോഴിക്കോട്: മലയാളം, തമിഴ്, തെലുങ്ക്, ഹിന്ദി തുടങ്ങിയ ഭാഷകളിലെ സിനിമകളിലൂടെ ശ്രദ്ധേയനായ ഛായാഗ്രാഹകനും സംവിധായകനുമായ പി.എസ് നിവാസ് (പി. ശ്രീനിവാസ്) അന്തരിച്ചു. കോഴിക്കോട് മെഡിക്കല്‍ കോളജില്‍ വച്ചായിരുന്നു അന്ത്യം. 'മോഹിനിയാട്ടം' എന്ന സിനിമയില്‍ ഛായാഗ്രഹണത്തിനു ദേശീയ പുരസ്‌കാരം നേടിയ പി.എസ് നിവാസ് ലിസ, ശംഖുപുഷ്പം തുടങ്ങി ദേശീയ അന്തര്‍ദേശീയ തലത്തില്‍ ശ്രദ്ധിക്കപ്പെട്ട നിരവധി ചിത്രങ്ങള്‍ക്ക് ഛായാഗ്രഹണം നിര്‍വഹിച്ചിരുന്നു. ചലച്ചിത്ര സംവിധായകനും, ചലച്ചിത്ര നിര്‍മാതാവും കൂടിയാണ് നിവാസ്.