HOME
DETAILS

'കലാപരമായി തയ്യാറാക്കിയ പ്രകടനം'- മോദിയുടെ പാര്‍ലമെന്റിലെ കരച്ചിലിനെ പരിഹസിച്ച് ശശി തരൂര്‍

  
backup
February 11 2021 | 09:02 AM

national-shashi-tharoor-on-pms-emotional-farewell-to-ghulam-nabi-azad-2021

ന്യൂഡല്‍ഹി: പ്രധാനമന്ത്രി നരേന്ദ്രമോദിയുടെ പാര്‍ലമെന്റിലെ കരച്ചിലിനെ പരിഹസിച്ച് മുതിര്‍ന്ന കോണ്‍ഗ്രസ് നേതാവ് ശശി തരൂര്‍. വളരെ കലാപരമായി തയ്യാറാക്കിയ പ്രകടനമായിരുന്നു മോദിയുടെ വിടവാങ്ങല്‍ പ്രസംഗം എന്നായിരുന്നു തരൂരിന്റെ പരിഹാസം.

പ്രതിപക്ഷ നേതാവും മുതിര്‍ന്ന കോണ്‍ഗ്രസ് നേതാവുമായ ഗുലാം നബി ആസാദിന്റെ വിടവാങ്ങലിലാണ് മോദി വികാരാധീനനായത്.

ഭാരതീയ കിസാന്‍ യൂണിയന്‍ നേതാവ് രാകേഷ് ടികായത് കരഞ്ഞതുകൊണ്ട് തനിക്കും കരയാന്‍ പറ്റുമെന്ന് തെളിയിക്കാനുള്ള മോദിയുടെ തീരുമാനമായിരുന്നു കരച്ചിലെന്നും അദ്ദേഹം കളിയാക്കി.

തരൂരിന് പുറമെ ആര്‍.ജെ.ഡിയും മോദിയുടെ കരച്ചിലിനെ പരിഹസിച്ച് രംഗത്തെത്തിയിരുന്നു. മികച്ച നടനുള്ള അവാര്‍ഡ് മോദിക്ക് എന്നായിരുന്നു പ്രതികരണം.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."