ഹൈദരാബാദ്: തെലങ്കാനയിലെ അഭിഭാഷക ദമ്പതികള്‍ കാറില്‍ സഞ്ചരിക്കവേ പിടിച്ചിറക്കി നടുറോഡിലിട്ട് വെട്ടിക്കൊന്നു. വാമനറാവു, നാഗമണി എന്നീ ദമ്പതികാളാണ് മരിച്ചത്. ഹൈദരാബാദില്‍ നിന്ന് മാത്താനിയിലേക്ക് കാറില്‍ സഞ്ചരിക്കുന്നതിനിടെയാണ് സംഭവം.
സംഭവത്തെ കുറിച്ച് പൊലിസ് പറയുന്നതിങ്ങനെ; അജ്ഞാതരായ സംഘം രാമഗിരിക്ക് സമീപത്തുവച്ച് മൂര്‍ച്ചയേറിയ ആയുധങ്ങളുമായി ആക്രമിക്കുകയായിരുന്നു. വാമന റാവുവിന്റെ മരണമൊഴിയുടെ അടിസ്ഥാനത്തില്‍ അക്രമിസംഘത്തിലെ ഒരാളെ പൊലിസ് തിരിച്ചറിഞ്ഞു. കുന്ത ശ്രീനിവാസാണ് അറസ്റ്റിലായത്.
മുന്‍വൈരാഗ്യമാണ് കൊലയ്ക്കു പിന്നിലെന്ന് പൊലിസ്. തര്‍ക്കം നിലനില്‍ക്കുന്ന വിഷയങ്ങളില്‍ വാമനറാവു ഇടപെട്ടതിനെ തുടര്‍ന്ന് കുന്ത ശ്രീനിവാസ് പലപ്പോഴും താക്കീത് ചെയ്തിരുന്നു. തെലങ്കാന രാഷ്ട്രീയ സമിതിയുടെ പ്രാദേശിക നേതാവാണ് കുന്ത ശ്രീനിവാസ്. സംഭവത്തില്‍ അന്വേഷണം ആരംഭിച്ചതായി പൊലിസ് പറഞ്ഞു.