തിരുവനന്തപുരം: ഷാര്‍ജ -കോഴിക്കോട് വിമാനം സാങ്കേതിക തകരാറിനെത്തുടര്‍ന്ന് തിരുവനന്തപുരം അന്താരാഷ്ട്ര വിമാനത്താവളത്തില്‍ ഇറക്കി. എയര്‍ഇന്ത്യ എക്‌സ്പ്രസ് വിമാനമാണ് മുന്‍കരുതലിന്റെ ഭാഗമായി അടിയന്തരമായി ഇറക്കിയത്. 

112 യാത്രക്കാരെ വിമാനത്തിനു പുറത്തെത്തിച്ചു. ഹൈഡ്രാളിക് ലീക്കേജിനെത്തുടര്‍ന്നാണ് വിമാനം നിലത്തിറക്കിയതെന്നു എയര്‍പോര്‍ട്ട് അധികൃതര്‍ അറിയിച്ചു. ഒരു മണിയോടെയാണ് വിമാനം തിരുവനന്തപുരം വിമാനത്താവളത്തില്‍ ഇറക്കിയത്. തകരാര്‍ പരിഹരിച്ചാലുടന്‍ വിമാനം യാത്ര തിരിക്കും.