കല്‍പ്പറ്റ: രാജ്യാഭിമാനം കാക്കുക, ആത്മാഭിമാനം ഉണര്‍ത്തുക എന്ന പ്രമേയത്തില്‍ ഓഗസ്റ്റ് 28, 29 തിയതികളില്‍ കല്‍പ്പറ്റയില്‍ നടക്കുന്ന മുസ്‌ലിം യൂത്ത്‌ലീഗ് ജില്ലാ സമ്മേളനത്തില്‍ പങ്കെടുക്കുന്ന പ്രതിനിധികള്‍ക്കുള്ള രജിസ്‌ട്രേഷന്‍ ഫോം വിതരണോദ്ഘാടനം സംസ്ഥാന സെക്രട്ടറി കെ.എ മുജീബ് നിര്‍വഹിച്ചു.
യൂത്ത്‌ലീഗ് ജില്ലാ പ്രസിഡന്റ് യഹ്‌യാഖാന്‍ തലക്കല്‍, ജന.സെക്രട്ടറി പി ഇസ്മായില്‍, ട്രഷറര്‍ കെ.എം ഷബീര്‍ അഹമ്മദ്, റസാഖ് കല്‍പ്പറ്റ, ടി ഹംസ, സലിം മേമന, കാട്ടി ഗഫൂര്‍, കെ ഹാരിസ്, എ.കെ റഫീഖ്, അബ്ബാസ് പുന്നോളി, കേയംതൊടി മുജീബ്, സി.ടി ഉനൈസ്, നൂര്‍ഷ ചേനോത്ത്, സുഹൈല്‍ തസക്കല്‍ സംസാരിച്ചു.
ശാഖാ തലങ്ങളില്‍ നിന്നും തെരഞ്ഞെടുക്കപ്പെടുന്ന 1000 യുവതി-യുവാക്കളാണ് സമ്മേളന പ്രതിനിധികള്‍. ഓഗസ്റ്റ് 21-ന് പഞ്ചായത്ത്-മുനിസിപ്പല്‍ കേന്ദ്രങ്ങളില്‍ നടക്കുന്ന സ്‌പെഷ്യല്‍ കണ്‍വന്‍ഷനില്‍ അംഗങ്ങളുടെ ബയോഡാറ്റകള്‍ ജില്ലാ കമ്മിറ്റിക്ക് കൈമാറും.