തിരുവനന്തപുരം: മുനമ്പം വിഷയത്തില്‍ സര്‍ക്കാരിനും സിപിഎമ്മിനുമെതിരെ മഴവില്‍ സഖ്യം പ്രവര്‍ത്തിക്കുന്നുവെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്‍. ന്യൂനപക്ഷ വര്‍ഗീയത വളര്‍ത്താന്‍ കാസ അടക്കമുള്ള സംഘങ്ങള്‍ ഒപ്പം നില്‍ക്കുകയാണെന്നും ഗോവിന്ദന്‍ പറഞ്ഞു. മുനമ്പം വിഷയത്തില്‍ കൃത്യമായ നിലപാട് സ്വീകരിച്ച് മുന്നോട്ട് പോകുമെന്ന് സര്‍ക്കാര്‍ വ്യക്തമാക്കിയതാണെന്നും എം.വി ഗോവിന്ദന്‍ പറഞ്ഞു. 

മുനമ്പം വിഷയത്തില്‍ അതിതീവ്ര മുസ് ലിം വിരുദ്ധത പ്രകടിപ്പിക്കുന്ന കാസ ഉള്‍പ്പെടെയുള്ളവര്‍ ക്രിസ്ത്യന്‍ ജനവിഭാഗങ്ങളില്‍ വലിയ സംഘര്‍ഷം സൃഷ്ടിക്കത്തക്ക രീതിയിലുള്ള ബിജെപി അനുകൂല നിലപാട് സ്വീകരിക്കുന്നു. യഥാര്‍ഥത്തില്‍ മുനമ്പത്തെ പ്രശ്‌നം കൃത്യമായ നിലപാട് സ്വീകരിച്ച് മുന്നോട്ട് പോകുമെന്ന് സര്‍ക്കാര്‍ വ്യക്തമാക്കിയിട്ടുണ്ട്,' ഗോവിന്ദന്‍ പറഞ്ഞു. 

മുനമ്പത്ത് താമസിക്കുന്നവരുടെ വലിയൊരു ഉത്കണ്ഠയാണ് അവരുടെ നികുതി വാങ്ങുന്നില്ല എന്നത്. സര്‍ക്കാര്‍ ഇടപെട്ട് നികുതി വാങ്ങാം എന്ന് തീരുമാനിച്ചു. ഇതോടെ പ്രശ്‌നത്തിന്റെ പകുതി അവസാനിച്ചു. നവംബര്‍ 16ന് ബന്ധപ്പെട്ട ഉദ്യോ?ഗസ്ഥരടക്കമുള്ള യോ?ഗം ചേരുന്നുണ്ട്. മുനമ്പം ഭൂമിയില്‍ നിന്ന് ആരെയും കുടിയിറക്കില്ല, അങ്ങനെയൊരു സര്‍ക്കാരല്ല കേരളത്തിലേത്. ഭൂമിയുടെ പേരില്‍ കാസ വര്‍ഗീയ ധ്രുവീകരണത്തിന് വേണ്ടിയാണ് ശ്രമിക്കുന്നത്' എം.വി ഗോവിന്ദന്‍ പറഞ്ഞു.

mv govindan react on munampam issue and casa