ന്യൂഡല്‍ഹി: ഇന്ത്യയില്‍ രാജ്യാന്തര വിമാന സര്‍വീസിന് ഏര്‍പ്പെടുത്തിയ നിയന്ത്രണം അനിശ്ചിതമായി നീട്ടി. ഇനിയൊരു ഉത്തരവുണ്ടാക്കുന്നതുവരെ നിയന്ത്രണം നീട്ടിയതായി ഡി.ജി.സി.ഐ ഉത്തരവില്‍ വ്യക്തമാക്കി.

ഇന്നുവരെയായിരുന്നു നേരത്തെ പ്രഖ്യാപിച്ച നിയന്ത്രണം.കൊവിഡ് വ്യാപനത്തെ തുടര്‍ന്ന് 2020 മാര്‍ച്ചില്‍ രാജ്യാന്തര വിമാന സര്‍വീസിന് ഏര്‍പ്പെടുത്തിയിരുന്ന നിയന്ത്രണം പിന്നീട് പലതവണ പുതുക്കുകയായിരുന്നു.

കൊവിഡ് കേസുകള്‍ ഗണ്യമായി കുറഞ്ഞ സാഹചര്യത്തില്‍ രാജ്യാന്തര വിമാന സര്‍വീസുകള്‍ പുനഃസ്ഥാപിക്കുന്നത് പരിഗണിച്ചുവെങ്കിലും നിലവിലെ സാഹചര്യം കണക്കിലെടുത്ത് നിയന്ത്രണം നീട്ടുകയായിരുന്നു.