കോഴിക്കോട്: സ്‌കൂള്‍ കലോത്സവങ്ങളിലെ നീലേശ്വരത്തിന്റെ മേളപ്പെരുമ ഇത്തവണയും നിലനിര്‍ത്തി മൂവര്‍ സംഘം. നിലേശ്വരം ഉണ്ണികൃഷ്ണന്‍, പ്രമോദ് മാരാര്‍, ചെറുതാഴ് വിശാല്‍ എന്നിവരാണ് കഴിഞ്ഞ 15 വര്‍ഷമായി കുട്ടികള്‍ക്ക് കേളിയും പഞ്ചവാദ്യവും പരിശീലിപ്പിക്കുന്നത്. എല്ലാവരും കലോത്സവ വേദിയില്‍ തിളങ്ങാറുമുണ്ട്.
ഇത്തവണ പഞ്ചവാദ്യത്തിലും കേളിയിലും ഹൈസ്‌കൂള്‍, ഹയര്‍ സെക്കന്‍ഡറി തലത്തിന്‍ ആണ്‍കുട്ടികളും പെണ്‍കുട്ടിക്കളും പങ്കെടുത്ത് എ ഗ്രേഡ് നേടി. എല്ലാ വര്‍ഷവും ഇവര്‍ പരിശീലനം നല്‍കുന്നവര്‍ സംസ്ഥാന കലോത്സവ വേദിയില്‍ മാറ്റുരയ്ക്കാറുണ്ട്. ശാസ്ത്രീയമായി പരിശീലനം നല്‍കി കലയുടെ തനിമ ചോര്‍ന്നുപോകാതെ പുതിയ തലമുറയിലേക്ക് എത്തിക്കുകയാണ് ഇവരുടെ ലക്ഷ്യം.