റിയാദ്: സഊദിയിൽ മൂന്നാം സെമസ്റ്റർ ആരംഭിക്കുന്ന മാര്‍ച്ച് 20 മുതൽ കൊവിഡിന് മുമ്പുള്ള അവസ്ഥയിലെന്നപോലെ സാധാരണ രീതിയിൽ സ്‌കൂളുകൾ പ്രവർത്തനം ആരംഭിക്കാൻ വിദ്യാഭ്യാസ മന്ത്രാലയം നൽകി. എലിമെന്ററി, കിന്റര്‍ഗാര്‍ട്ടന്‍ തലങ്ങളിലടക്കമുള്ള ക്ലാസുകൾ ഞായറാഴ്ച മുതൽ മുഴുവന്‍ വിദ്യാര്‍ഥികളോടെയായിരിക്കും സാധാരണ നിലയില്‍ പ്രവർത്തിക്കുക.

എന്നാൽ, പന്ത്രണ്ടു വയസില്‍ കൂടുതല്‍ പ്രായമുള്ള വിദ്യാര്‍ഥികള്‍ വാക്‌സിന്‍ പൂര്‍ത്തിയാക്കണമെന്ന വ്യവസ്ഥ തുടരും. ക്ലാസുകളിലും നമസ്‌കാരം നിര്‍വഹിക്കുന്ന വേളയിലും മറ്റു പരിപാടികളിലും വിദ്യാര്‍ഥികള്‍ക്കിടയില്‍ സാമൂഹിക അകലം ഒഴിവാക്കുകയും രാവിലെയുള്ള അസംബ്ലി പുനരാരംഭിക്കുകയും ചെയ്യും.