കാസര്‍കോട്: മഞ്ചേശ്വരത്തെ ബി.എസ്.പി സ്ഥാനാര്‍ഥി കെ. സുന്ദര ഇന്ന് നാമനിര്‍ദേശ പത്രിക പിന്‍വലിക്കും. ബി.ജെ.പിയില്‍ ചേര്‍ന്ന് പ്രവര്‍ത്തിക്കുമെന്ന് സുന്ദര വ്യക്തമാക്കിയിരുന്നു. ബി.ജെ.പി സംസ്ഥാന അധ്യക്ഷന്‍ കെ.സുരേന്ദ്രന്‍ ആവശ്യപ്പെട്ടതിനാലാണ് പത്രിക പിന്‍വലിക്കുന്നതെന്ന് സുന്ദര പറഞ്ഞു.

തനിക്ക് ഭീഷണിയോ, പ്രലോഭനങ്ങളോ ഉണ്ടായിട്ടില്ല. ബി.ജെ.പിയില്‍ ചേര്‍ന്ന താന്‍ ഇനി കെ.സുരേന്ദ്രന്റെ വിജയത്തിനായി പ്രവര്‍ത്തിക്കുമെന്നും അദ്ദേഹം പറഞ്ഞു.

2016ല്‍ സ്വതന്ത്ര സ്ഥാനാര്‍ഥിയായി മല്‍സരിച്ച് സുന്ദര 467 വോട്ട് നേടിയിരുന്നു. അതേ തിരഞ്ഞെടുപ്പില്‍ വെറും 89 വോട്ടിനാണ് കെ.സുരേന്ദ്രന്‍ മഞ്ചേശ്വരത്ത് പരാജയപ്പെട്ടത്. ഇത്തവണയും സുന്ദരയുടെ സ്ഥാനാര്‍ഥിത്വം ബി.ജെ.പിയ്ക്ക് ഭീഷണിയായിരുന്നു.